Premer-mınıstri Asqar Mamınniń tóraǵalyǵymen ótken Úkimet otyrysynda ındýstrııa jáne ınfraqurylymdyq damý mınıstri Beıbit Atamqulov azamattardy dári-dármektermen jáne medısınalyq buıymdarmen qamtamasyz etý týraly baıandady.

B. Atamqulovtyń aıtýyesha, 9 aıdyń qorytyndysy boıynsha farmasevtıka ónerkásibindegi óndiris kólemi 39,8% ósken.

– О́sim "SK-Farmasııa" biryńǵaı dıstrıbıýtory arqyly tegin medısınalyq kómektiń kepildendirilgen kólemi sheńberinde dárilik zattar men medısınalyq buıymdardy jetkizýdiń ulǵaıýymen qamtamasyz etildi, – dedi ol..

Mınıstr málimetinshe, elde farmasevtıka ónerkásibinde dárilik zattar men medısınalyq buıymdardy óndirýdi 96 kásiporyn júzege asyrady. Búginde otandyq taýar óndirýshiler dárilik zattar men medısınalyq buıymdardyń 5 042 myń ataýyna 88 uzaq merzimdi shart jasady.

 

"Otandyq kásiporyndar táýlik saıyn 900 myń maska shyǵarýda. Qoımalarda 18 mln maska bar. Bul rette, kásiporyndardyń óndiris qýattylyǵy táýligine 1,2 mln danaǵa deıin medısına maskasyn shyǵarýǵa múmkindik beredi. Kún saıyn 330 myń jup perchatka shyǵarylady. Qoımalarda 7 mln asa jup perchatka bar. Bıylǵy qarasha aıynda onyń qýattylyǵy táýligine 530 myń jupqa deıin ulǵaıtylatyn bolady. Búginde 6 otandyq kompanııa aıyna 504 myń qorǵanys kostıýmin shyǵarady. Jyl sońyna deıin onyń qýattylyǵy 1 mln deıin arttyrylatyn bolady" delingen aqparattyq habarlamady.

 

– Indettiń ekinshi tolqyny jaǵdaıynda farmasevtıka salasynyń kásiporyndary dárilik zattardyń qajetti kólemin qamtamasyz etýge daıyn, – dedi B. Atamqulov.

О́kpeni jasandy jeldetýdiń stasıonarlyq apparattaryna respýblıka boıynsha barlyq qajettilik 1500 birlik apparatty quraıdy. Búgingi kúni Qazaqstannyń 17 óńirindegi 297 aýrýhana úshin barlyq 1500 birlik (100%) О́JJ stasıonarlyq apparaty óndirildi jáne jetkizildi. Qazaqstan zaýyttarynda 376 jedel járdem avtomobıli shyǵaryldy, onyń 220-sy el óńirlerine jetkizildi. Búgingi tańda qalǵan 156 birlik kólik jetkizilýde. Jalpy, osy baǵdarlama sheńberinde 5 qarashaǵa deıin 1 167 birlik sanıtarlyq kólik jetkiziletin bolady. 

Búgingi tańda  jyljymaly medısınalyq keshenderdiń 63 birligi daıyndaldy. Búginde 45 birlik medısınalyq kesheni jóneltildi, onyń 25 birligi óńirlerge jetkizilip, berý prosesi júrgizilýde. Qalǵan 18 keshen erteń jóneltiledi. 37 birlik óndiriste jáne aǵymdaǵy jyldyń 23 qazanyna deıin jóneltiletin bolady.  Jergilikti atqarýshy organdar "Aqtóberentgen" AQ-men 49 birlik rentgen apparatyn óndirýge kelisimsharttar jasasty. Alǵashqy 12 apparat 9 qazanda Aqtóbe qalasyna jetkizildi. Qalǵan 37 birlik apparatty jóneltý aǵymdaǵy jyldyń 30 qazanyna deıin aıaqtalatyn bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir