• USD 468.56

  • EUR 497.56

  • RUB 7.3

  • CNY 67.18

29 Naýryz, 15:14:08
Almaty
+35°

Bolat Nazarbaevtyń «Salıqaly urpaq» qoǵamdyq qorynyń demeýshiligimen Maqtaaraldaǵy sý tasqyny kezinde zardap shekken 20 otbasy baspanaly boldy. Túrkistan oblysy Maqtaaral aýdany Myrzakent eldi mekenindegi jańa yqshamaýdanda ornalasqan úılerdiń kilti jańa qojaıyndaryna tegin tabystaldy.

2020 jyldyń 2 mamyrynda bolǵan tabıǵı apattan keıin dereý Bolat Nazarbaev qory zardap shekken aýyl turǵyndaryna jańa úı salýǵa qarajat bóldi.

Myrzakent eldimekenindegi jańa yqshamaýdan turǵyndary

Bólingen qarajattyń kómegimen jergilikti «Nur El» jáne «Tneı-Qurylys» kompanııalary qurylysty bastap ketti. Jumysshylar úılerdi tolyǵymen josparlaý jáne qurylys standarttaryna sáıkes saldy. Tórt bólmeli úıler kópbalaly otbasylaryna arnaıy josparlanyp, turǵyzyldy. Bir úıdiń jalpy aýdany 100 sharshy metr. Búginde barlyq úıdiń qurylysy tolyq aıaqtalyp, ınjenerlik jáne kóliktik ınfraqurylym nysandaryna qosylǵan. Ár úıdiń aldyna asfalt jol tóselip, sondaı-aq káriz, gaz, sý qubyrlary jáne elektr, ınternet jelileri tartylǵan.

Myrzakent eldimekenindegi jańa yqshamaýdan

Jańa baspanalardyń kiltin tabystaý rásiminde Qoǵamdyq qor basshysy Qasym Qasabekov qonystanýshylardy quttyqtap, jańa úıde baq-bereke men qýanysh kóp bolsyn dep tiledi.

Baspanaly bolǵandar, óz kezeginde Qoǵamdyq qor ókilderine jańa úı men kórsetilgen kómekteri úshin alǵysyn jetkizdi.

«Salıqaly urpaq» qoryna osy kezge deıin bizge kómek berip, jańa úı salyp bergenderi úshin alǵys aıtamyn», - dedi Myrzakent eldi mekeniniń turǵyny Shara Mombekova.

Sondaı-aq aýyldyqtar baspananyń sapasy men bólmelerdiń keńdigin atap ótti.

«Qýanyshymyzda shek joq. Sondaı keń, sáýleli bólmeler. Gaz, sý, jaryq  - bar qajettilik te ishinde. Bizdiń otbasymyzdy osyndaı qýanyshqa keneltken Qorǵa úlken alǵysymyzdy aıtamyz», - dep Maqtaaral turǵyny Baıan Moldabekova aǵynan jaryldy.

Aıta keteıik, buǵan deıin «Salıqaly urpaq» qorynan aýdandy qaıta qalpyna keltirý jumystaryna 200 mıllıon teńge aýdaryldy, sondaı-aq 20 tonna gýmanıtarlyq kómek jiberildi. Maqtaaral aýdany boıynsha áleýmettik az qamtylǵan otbasylardan shyqqan 20 bala jazǵy demalys lagerine jiberildi.

«Salıqaly urpaq» qoǵamdyq qory óz jumysyn 2016 jyldyń sáýirinen bastady. Qor birneshe baǵytta jumys isteıdi. Almaty qalasyndaǵy jáne oblysyndaǵy áleýmettik az qamtylǵan otbasylar men múgedekterge qarjylaı qoldaý kórsetedi jáne aı saıyn azyq-túlikpen qamtamasyz etip otyrady. Búginde 130-dan astam otbasy Qor qamqorlyǵynda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir