Atyraý oblysynda oqýshy qyz agressıvti ata-anasynan qorǵaý týraly ótinishpen vıdeoúndeý jarııalady.

Oqýshynyń Instagram-daǵy paraqshasynda jarııalanǵan vıdeodan ákesi jýylmaǵan ydys-aıaq úshin qyzyna ursyp jatqannyn kórýge bolady.

"О́tinish, kómektesińizdershi!. Men olarmen (ata-anammen - red.) kún saıyn bir shańyraq astynda ómir súrýge qorqamyn. Bul zorlyq-zombylyqqa birneshe jyldan beri shydap kelemin. Men ony (vıdeony - red.) jarııalaý arqyly durys istep jatyrmyn ba bilmeımin. Maǵan qazir jáne erteń ne bolary belgisiz" delingen qyzdyń jazbasynda.

Kadr artynda qyzdyń ákesine vıdeony jelige jarııalaıtynyn eskertkeni estiledi.

Keıinirek qyz ata-anasynyń reaksııasynan qorqatyndyqtan, vıdeony kóp jarııalamaýdy ótingen jazba jarııalady.

Polısııa isti baqylaýǵa alǵanyn aıtty.

"Atyraý oblysy polısııa departamenti áleýmettik jelilerdegi monıtorıng barysynda er adamnyń (ákeniń) kámeletke tolmaǵan qyzyna urysyp, beıádep sózder aıtqan beınejazbany anyqtady.

Fakti boıynsha Qazaqstan Qylmystyq kodeksiniń 140 - baby "kámeletke tolmaǵan balany tárbıeleý jónindegi mindetterdi oryndamaý" boıynsha sotqa deıingi tergeý júrgizilýde" delingen polısııa departamentiniń baspasóz qyzmeti taratqan habarlamada.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir