Qazaqstandyq dızaıner Sábıt Syrahannyń  (Sábıt Bisen-niń) ólimine qatysty Almaty polısııa departamenti pikir bildirdi. Polısııaǵa 18 qazanda túngi ýaqytta qońyraý kelip túsken, dep habarlady polısııa departamentiniń baspasóz qyzmeti.

– "102" pýltine qońyraý shalǵan adamnyń aıtýynsha, úıdiń aýlasynda belgisiz er adamdar bastapqyda daýlasyp, artynsha tóbelesken. Nátıjesinde olardyń bireýi qulap, ekinshisi qylmys ornynan jasyrynýǵa tyrysqan. Oqıǵa ornyna kelgen dárigerler toby adamnyń ólimin tirkedi. Onyń aty-jóni birden anyqtaldy, ol 1989 jylǵy B esimdi er adam, – dedi polısııa departamentindegiler.

Qylmysty jasady degen kúdikpen 1991 jylǵy er adam ustaldy. Polısııa málimetinshe, kúdikti qylmys jasaǵanyn moıyndaǵan.

Kúdikti ýaqytsha ustaý ızolıatoryna qamaldy.

Derekti Bostandyq aýdandyq polısııa basqarmasy qylmystyq kodekstiń 99-babynyń 1-bóligi ("Kisi óltirý") boıynsha tergep jatyr. Tergeý barysy Almaty polısııa departamenti basshylyǵynyń baqylaýynda.

18 qazanda qazaqstandyq dızaıner Sábıt Syrahannyń qaıtys bolǵany habarlanǵan bolatyn.

Sábıt Syrahan – tanymal streetwear-brendiniń dızaıneri.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir