BBC
Italııada koronavırýs derekteri kóbeıýine baılanysty shekteýlerdi kúsheıtetin jańa sharalar jarııalandy.
Maska kıgen premer-mınıstr Djýzeppe Konte bul sharalar "jańa lokdaýn boldyrmaý úshin" qajet dep málimdedi.
Saǵat 21:00-den keıin ákimder qoǵamdyq oryndardy jabý boıynsha ókilettikterge ıe bolady jáne meıramhanalardyń jumys ýaqyty men toptardyń sanyna baqylaý kúsheıedi.
Bul áreketter Italııada ekinshi kún qatarynan eń joǵary táýliktik ınfeksııa juqtyrý tirkelýine baılynsty qolǵa alynǵan.
Italııada jeksenbide 11705 jańa jaǵdaı anyqtalǵan. Pandemııa bastalǵan kezde Italııa Eýropadaǵy eń qatty zardap shekken el boldy. Qazir onda 414 000 rastalǵan koronavırýs jaǵdaılary tirkeldi. Italııada pandemııadan qaza tapqandar sany 36 500-ge jetip, Covid-19 ólim jitim sany jaǵynan Eýropadaǵy Ulybrıtanııadan keıingi ekinshi oryndaǵy zardap shegýshi el boldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir