Bilim jáne ǵylym mınıstrligi Shymkent qalasyndaǵy taǵy bir joǵary oqý orny – akademık A.Qýatbekov atyndaǵy Halyqtar dostyǵy ýnıversıtetin bas lısenzııasynan aıyrdy.

Mınıstrlik saıttyń habarlaýynsha, sheshim joǵary oqý ornynda bilim berý salasyndaǵy zańnamanyń saqtalýy boıynsha birneshe ret ótken tekserýden keıin qabyldanǵan.

– Biz stýdentter men ata-analardyń mundaı sharalar, eń aldymen, stýdentterdiń ózderiniń múddelerin eskere otyryp, qabyldanatynyn túsingenin qalaımyz. Eger joǵary oqý oryndary bilim berý salasyndaǵy talaptarǵa sáıkes kelmese, dıplom alǵannan keıin bolashaq mamandar jumysqa ornalasý problemalaryna tap bolýy múmkin, – dedi BǴM Bilim jáne ǵylym salasynda sapany qamtamasyz etý komıtetiniń tóraıymy Gúlzat Kóbenova.

Oryn alǵan zań buzýshylyqtar oqý úderisin uıymdastyrý, talapkerlerdi oqýǵa qabyldaý, JOO-ny oqý-ádistemelik jáne ǵylymı ádebıettermen qamtamasyz etý, túlekterdi jumysqa ornalastyrý tóńireginde bolǵan.

Mınıstrliktiń málimetinshe, stýdentter oqý semestriniń aıaqtalǵanyn kútpeı-aq basqa JOO-larǵa aýysa alady. Stýdentterdiń barlyq oqý kórsetkishteri basqa JOO-larǵa aýysqan kezde jaramdy bolady. Aqyly negizde oqıtyndar úshin oqý quny burynǵy deńgeıde qalady. Bilim jáne ǵylym mınıstrligi óz tarapynan kómektesedi.

Sonymen qatar bul sheshim Shymkent qalasynyń mamandandyrylǵan aýdanaralyq ákimshilik soty otyrysynyń qorytyndysy boıynsha shyǵaryldy, 10 jumys kúni ishinde zańdy kúshine enedi. Osy kezeńde akademık A. Qýatbekov atyndaǵy Halyqtar dostyǵy ýnıversıteti sot sheshimine de, mınıstrlikke de shaǵymdanýǵa quqyly.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir