16 Qazan, 2020 NEWS

Polıseıdiń kıimin kıip toı basqarǵan asaba keshirim surady (vıdeo)

Foto: qamshy.kz

Ishki ister organdary toıǵa polıseıdiń formasyn kıip kelgen asabanyń jazaǵa tartylatynyn habarlady. Bul týraly Rolisia.kz saıty málimdedi.

Buǵan deıin áleýmettik jelide polıseıdiń formasyn kıgen asabanyń vıdeosy jarııalanǵan. Beınejazbada polıseıdiń kıimimen toıǵa kirip kelgen adam kópshilikti úreılendirip, artynsha ázil ekenin jetkizedi.

Ishki ister organdary toıdyń ótken jerin jáne beınejazbadaǵy asabanyń kim ekenin anyqtap, qylmystyq jazaǵa tartylatynyn aıtty.

Qazirgi ýaqytta polıseıdiń kıimin kıgen adamdy ákimshilik quqyq buzýshylyq týraly kodeksiniń 675-baby (aıyrym belgileri men nyshany bar áskerı kıim nysanyn, sondaı-aq nysandy kıim men arnaýly kıim-keshekti zańsyz kıip júrý) boıynsha ákimshilik jaýapkershilikke tartý qarastyrylyp jatyr.

Oqıǵadan soń uzamaı toı ıesi men asaba áleýmettik jelide kópshilikten keshirim surady.

– Men toıdyń ıesi – Jumabaı Bekanovtyń ulymyn. Karantın ýaqytynda zańsyz toı jasaǵanym úshin barsha Qazaq elinen keshirim suraımyn. Sizderden mundaı sharany jasamaýdy suraımyz. Biz tıisti aıyppuldardy aldyq, tóleýge daıynbyz, – dedi toı ıesi.

Polısııa kıimin kıgen adam karantın talaptaryn saqtaýǵa shaqyrdy.

– Men óz tarapymnan polıseı qyzmetkeriniń kıimin kıgende, ol kisilerdiń qyzmetterin, jeke bastaryn mazaq qylýdy maqsat etpedim. Bul tek toı qonaqtarynyń kóńilin kóterý maqsatynda jasaldy. Sondyqtan barsha qazaq elinen, basshylyq polısııa qyzmetkerlerinen keshirim suraımyn. Karantın ýaqytynda toı jasamaýlaryńyzdy suraımyn. Mende óz aıyppulymdy aldym, tóleýe daıynmyn, – dedi polısııa qyzmetkeriniń kıimin kıgen adam.

Ilmek sózder: polıseı Qaraǵandy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir