16 Qazan, 2020 NEWS
Foto: Vıdeodan skrınshot
Almatyda Kaspi banktiń bólimshesine alaıaqtar shabýyl jasady. Bolǵan oqıǵanyń beınejazbasy áleýmettik jelide jarııalandy.
Bank baspasóz qyzmetiniń habarlaýynsha, oqıǵa qazannyń 15-i kúni Almaty qalasyndaǵy Seıfýllın-Gogol kósheleri qıylysyndaǵy keńsede bolǵan. Betperde kıgen eki adam bank bólimshesine keshke qaraı basa kóktep kirip, 2 mln teńgeni urlaǵany anyqtaldy.
Beınejazbada eki qaraqshy bank fılıalyna basa kóktep kirip, biri áınekti syndyryp, kassaǵa túsip, aqshany qalaı alyp jatqany kórsetilgen.
Bolǵan jaǵdaıǵa bank bólimshesi túsinikteme berdi.
"Abyroı bolǵanda qyzmetkerlerdiń arasynda eshkim zardap shekken joq. Dabyl batyramasy basylǵannan keıin polısııa birden keldi" delingen habarlamada.
Qazirgi ýaqytta atalǵan fakt boıynsha qylmystyq kodekstiń 192-baby 3-bóligine (tonaý) sáıkes sotqa deıingi tergeý bastaldy. Tergeý barysy Almaty qalasynyń polısııa departamenti basshylyǵynyń baqylaýynda.
Posmotret etý pýblıkasııý v InstagramDerzkoe ograblenıe banka v Almaty popalo na vıdeo. ... #almaty #almaty #ograblenıebanka
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir