16 Qazan, 2020 NEWS

Mınıstr: Mektepter qashyqtan oqytýdyń qıyn jaǵdaıyn qabyldaýǵa májbúr boldy

Foto: profit.kz

Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın pandemııa kezinde oqytýdy sıfrlandyrý durys júzege aspaı jatqanyn aıtty. Bul týraly ol parlament senatynyń úkimet saǵatynda habarlady.

– Koronovırýs pandemııasy kezinde bilim berý mekemeleri qashyqtan oqytýdyń qıyn jaǵdaıyn qabyldaýǵa májbúr boldy. Biraq bul másele básekelestik ishinde sheshilýi tıis. Bilim berý mınıstrligi osyndaı sheshimge keldi. Biz ony qoldaımyz. Tutas bir aqparattyq júıe jasamaı, besekeles retinde búgin úlken-kishisi bar 13 platforma jumys istep kele jatyr. Qaı platforma naryqta jaqsy qyzmet kórsetse, solardy paıdalanýǵa beremiz, – dedi ol.

Mınıstr muǵalimderdiń vıdeosabaqtary sıfrlyq kontentke jatpaıtynyn atap aıtty.

– Sıfrly kontentti damytý qajet. Atap aıtqanda, sıfrlyq oqýlyqtarǵa kóshý qajet. Búgingi tańda 13 bilim berý platformasy ázirlenip, jumys istep jatyr. Biraq sıfrlyq kontent tek qana vıdeo túrinde berilip jatyr. Muǵalimderdiń vıdeosyn túsirip alyp, sol vıdeorolıkterdi sıfrlyq kontent retinde berip jatyrmyz. Biraq bul durys emestigin bilemiz. Sol sıfrlyq kontentke ózimizdiń bar kúsh-jigerimizdi salyp, kelesi jyldary gımıfıkasııany, basqa da tásilderdi paıdalanyp, sıfrlyq kontentti damytatyn bolamyz, – dedi mınıstr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir