15 Qazan, 2020 NEWS

Qazaqstannyń taǵy bir oblysynda karantın kúsheıtildi

Foto: ktk.kz

Soltústik Qazaqstan oblysynda koronavırýs juqtyrǵandar sanynyń ósýine baılanysty karantın sharalary kúsheıtildi. Bul týraly oblystyń resmı saıty habarlady.

"2020 jylǵy 16 qazanda 00 saǵat 00 mınýtten bastap kásipkerlik jáne (nemese) ózge de qyzmet pen halyqtyń ómiri úshin erekshe jaǵdaılarmen shekteý karantındik sharalardy kúsheıtsin", delingen habarlamada.

Qaýlyǵa sáıkes Soltústik Qazaqstan oblysynyń turǵyndary:

  • Kórshilerdiń, tanystardyń, týystardyń, áriptesterdiń saparlaryn shektelsin;
  • Turatyn jeri boıynsha otbasylyq is-sharalardy ótkizýge tyıym salý belgilensin;
  • Qoǵamdyq oryndarda 3 adamnan (otbasy múshelerin qospaǵanda) keminde 2 metr qashyqtyqtaǵy toptardyń bolýy shektelsin;
  • Jerleý rásimderi kezinde keminde 2 metr qashyqtyqty saqtaı otyryp, 30-dan astam adamnyń (negizinen otbasy músheleriniń) jınalýyna jol
    berilmesin;
  • Respıratorlyq ınfeksııanyń alǵashqy belgileri paıda bolǵan kezde (qurǵaq jótel, qyzba, tynys alýdyń qıyndaýy, entigý jáne t. b.) jedel medısınalyq kómekti 103 nómiri boıynsha shaqyrý arqyly medısınalyq uıymdarǵa barmaı-aq, úıde dereý medısınalyq kómekke júginý qajet;
  • Qazaqstan Respýblıkasy Bas memlekettik sanıtarııalyq dárigeriniń 2020 jylǵy 26 maýsymdaǵy № 43-AÁKD qaýlysynyń 4-qosymshasyna sáıkes "Qazaqstan Respýblıkasynyń halqy arasynda koronavırýstyq ınfeksııamen aýrýlardyń aldyn alý jónindegi sharalardy odan ári kúsheıtý týraly" jeke qorǵaný quraldaryn paıdalaný jáne kádege jaratý algorıtmin saqtaýǵa, onyń ishinde:

A) Qoǵamdyq oryndarda, halyqtyń kelýine, qyzmet kórsetýine jáne demalýyna arnalǵan úı-jaılarda, qoǵamdyq kólikte, medısınalyq nemese mata betperdelerin kııý, bes jasqa deıingi balalardy, sondaı-aq áleýmettik qashyqtyqty saqtaý kezinde qoǵamdyq tamaqtaný oryndarynda tamaq ishý jaǵdaılaryn qospaǵanda, mindetti bolyp tabylady;

B) Qoǵamdyq oryndarda ashyq aýada medısınalyq nemese mata betperdelerin kııý, bes jasqa deıingi balalardy jáne áleýmettik qashyqtyqty saqtaý kezinde 5 adamnan aspaıtyn jeke, toptyq sportpen shuǵyldanatyn adamdardy qospaǵanda, mindetti bolyp tabylady.

Qaýlynyń tolyq nusqasy myna siltemede kórsetilgen

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir