• USD 468.56

  • EUR 497.56

  • RUB 7.3

  • CNY 67.18

28 Naýryz, 15:47:28
Almaty
+35°

Qytaı prezıdenti Sı Szınpın Qytaıdyń teńiz sýlaryn qorǵaıtyn teńiz jaıaý áskerleri soǵysqa daıyn bolýǵa jáne urysqa qabiletti bolýǵa, sondaı-aq joǵary daıyndyqty saqtaýǵa nazar aýdarý kerektigin aıtqannan keıin, brıtanııalyq "Deılı Eksress" basylymy Amerıka 60 áskerı ushaqty Qytaı mańyna jibergenin habarlady. 

"Amerıkalyq áskerı ushaqtardyń kem degende 60-y Qytaıdyń mańynda barlaý reısterin jasady, bul Vashıngtonnyń bolashaqta óte tartysty aımaqtaǵy nysandarǵa qarsy qashyqtan shabýyldaryn josparlaýy degen úreı týǵyzdy" dep jazdy basylym.

"Ońtústik Qytaı teńiziniń strategııalyq ahýalyn zondtaý týraly bastama" boıynsha, AQSh-tyń 41 áskerı ushaǵy daýly aımaq ústinen ótken.

"Alty áskerı ushaqtyń Shyǵys Qytaı teńiziniń ústinen ushyp bara jatqany baıqalǵan, taǵy 13 soǵys ushaǵy Sary teńizdiń ústinen ushty" delingen dúısenbide jarııalanǵan habarlamada.

Baıandamada "AQSh Ońtústik Qytaı teńizindegi nysandarǵa qarsy alys qashyqtyqtaǵy shabýyldarǵa daıyndalyp jatyr" dep boljanǵan.

Habarlamada "AQSh-qa Gýamnan (Japonııadaǵy Kadena avıabazasynyń ornyna) janarmaı sısternalaryn jiberý qalypty jaǵdaı emes, óıtkeni mundaı operasııalar ekonomıkalyq shyǵynǵa toly jáne tıimsiz. Mundaı operasııalar, múmkin, ekstremaldy jaǵdaıda alys qashyqtyqqa janarmaı quıýǵa daıyndalyp jatqandyqtyń belgisi jáne bul úlken nazar aýdarýǵa turarlyq... Bul Ońtústik Qytaı teńizi aımaǵy áli de AQSh-tyń basty nazarynda ekenin kórsetti" delingen.

Habarlamaǵa sáıkes, Qytaı áskerı kúshteri jattyǵýlar júrgizip jatqan kezde AQSh ushaqtary Sary teńiz ben Shyǵys Qytaı teńizine ushqan.

"Onda reısterdiń jalpy sany shamamen shilde men tamyz aılarymen shamalas bolǵanymen, naqty sandar kóp bolýy múmkin, óıtkeni keıbir áskerı ushaqtar azamattyq ushaqtardyń atyn jamylǵan" dep jazady Londonda shyǵatyn gazet.

"Qamshy" silteıdi
Ilmek sózder: Qytaı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir