Sondaı-aq kórmege Shyǵys Qazaqstan óner murajaıy men Nevzorovtar otbasy atyndaǵy beıneleý óneri murajaıynyń qorlaryndaǵy 18 sýret qoıyldy. Qasym-Jomart Toqaev "Uly Dala altyny" arheologııalyq kórmesin aralap kórgennen keıin abaıtanýshy ǵalymdarmen kezdesti.
– Bıyldan bastap 10-tamyz "Abaı kúni" dep bekitilip, merekeler qataryna qosyldy. Aqynnyń eńbekteri on tilge aýdarylyp, álemniń bedeldi kitaphanalaryna jiberildi. Sheteldegi elshilikterimizdiń janynan Abaı ortalyqtary ashyldy. Biraq bul tek alǵashqy qadam ǵana, keleshekte múmkindikke qaraı Abaı ınstıtýttaryn ashamyz dep oılaımyn. L.N.Gýmılev atyndaǵy Eýrazııa ulttyq ýnıversıtetinde Abaı akademııasy quryldy. Budan bylaı akademııa aqyn shyǵarmashylyǵyn júıeli zertteýmen aınalysady. "Abaı" telearnasy óz jumysyn bastady. Joǵary oqý oryndarynda "Abaıtaný" kýrsyn oqytý qolǵa alyndy. Qazaq qoǵamynda ózindik orny bar Semeı qalasy "tarıhı ortalyq" retinde belgilendi. Osyndaı ıgi sharalar uly oıshyldyń baǵa jetpes murasyn jas urpaqtyń sanasyna sińirý úshin jasaldy. Búkil túrki áleminde Abaı fılosofııasyn dáripteý isinde aıtarlyqtaı tabysqa qol jetkizdik, – dedi prezıdent.
Toqaev gýmanıtarlyq salany damytýdy qolǵa alsdyń mańyzyna toqtalyp, qazaq tili men ádebıetin oqytýǵa jáne sapaly oqýlyq daıyndaýǵa basa mán berý qajettigine nazar aýdardy.
– Biz ana tilimiz ben tól ádebıetimizdiń qadir-qasıetin balalarǵa mektep jasynan bastap sińirýimiz kerek. Bul baǵytta biryńǵaı ustanym qajet. Osyǵan oraı Almatydaǵy Abaı atyndaǵy mektep-ınternattyń múmkindikterin tolyq paıdalanǵan jón. Qazaq tili men ádebıetin tereńdete oqytatyn bul mekteptiń oqý úderisi basqa mektepterge úlgi bolady dep oılaımyn. Ony zamanaýı talapqa saı jan-jaqty jetildirip, "Abaı mektebi" dep atalatyn eń úzdik bilim ordasyna aınaldyrý qajet. Jalpy biz keleshekte Abaı mektepterin ashý týraly oılanýymyz kerek, – dedi memleket basshysy.
Pikir qaldyrý
pikir