Máýlen Áshimbaev Muhamedjan Tazabekti qabyldady

Búgin Nur-Sultan qalasynda senat tóraǵasy Máýlen Áshimbaev QR eńbek sińirgen qaı̆ratkeri Muhamedjan Tazabekti qabyldady. Bul týraly "Asyl arna" teleradıokompanııasynyń Bas dırektory óziniń paraqshasynda habarlady. 

M.Tazabek "kezdesý barysynda asyl qundylyqtarymyzdy dáripteý, ulttyq kodty saqtaý jáne táýelsizdigimizdi nyǵaıtý máselelerine qatysty pikir almasý bolǵany" týraly habarlady. Sondaı-aq jahandaný dáýirinde jas býynnyń otanshyl, ultjandy bolyp qalyptasýynyń mańyzy zor ekeni, sondyqtan tálim-tárbıe máselesinde osyǵan basa mán berý kerektigi aıtylǵan.
⠀
Kezdesý sońynda Máýlen Áshimbaev Muhamedjan Tazabekti  "egemen elimizde dinaralyq tatýlyq pen qoǵamdyq kelisimdi nyǵaıtýǵa, ulttyq qundylyqtarymyzdy dáripteýge jáne halqymyzdyń bereke-birligin arttyrýǵa zor úles qosyp júrgeni úshin" degen mátindegi alǵys hatpen marapattaǵan.