• USD 468.56

  • EUR 497.56

  • RUB 7.3

  • CNY 67.18

29 Naýryz, 02:46:59
Almaty
+35°

Nesıe tarıhyn jaqsartýǵa bola ma? Banktiń qara tiziminen shyǵýdyń joly qandaı? Nesıe tarıhy buzylǵandardyń barlyǵyna birdeı kredıt berilmeı me, osy jáne ózge suraqtardyń jaýabyn tómendegi materıaldan bilýge bolady.

Nesıe tarıhy týraly aqparat qansha ýaqytta jańarady?

Nesıe tarıhy týraly aqparat birinshi kredıttik bıýroda 10 jyl boıy saqtalady. 10 jyldan keıin de nesıe tarıhy bıýro arhıvinde tirkeýde turady, biraq qunyn joǵaltady. Iаǵnı, ol jerde nesıeniń neshe ýaqyt tólenbegeni, qaryz somasy jazylmaıdy. Al tólenip jatqan kredıtke baılanysty nesıe tarıhyna qandaıda bir ózgeris ense, aqparat 15 kúnde jańarady.

Kredıt tarıhyn qalaı jóndeýge bolady?

Bul suraq kópti tolǵandyratyny belgili. Alaıda jaman kredıt tarıhyn tolyqtaı jóndeý, tazartý, joıý múmkin emes. Jaman kredıt tarıhyn tek jaqsartýǵa ǵana múmkindik bar.

Ol úshin aldymen bar bolǵan jaǵdaıda problemalyq kredıtterdi jabý qajet. Bul sizdiń jaǵdaıyńyzdy anaǵurlym jaqsartady. О́ıtkeni problemalyq qaryzy bar bola tura, jańa nesıe alý múmkin emes dese de bolady. 

Taǵy bir amal – mıkroqaryz, kredıttik karta nemese az somaǵa kredıt rásimdep, ony ýaqytyly jabý. Osylaı birneshe ret jasalǵan jaǵdaıda klıenttiń bank aldyndaǵy repýtasııasy jaqsarady.

Úshinshi jol – depozıt ashý, ony udaıy toltyryp turý. Bul faktordyń kredıt tarıhyna esh qatysy joq bolǵanymen, paıdasy bar. Kredıtke ótinim bererde, bank klıenttiń aktıvinde turaqty túrde toltyrylyp turǵan depozıttiń baryn nazarǵa alady. Bul bank úshin klıenttiń tólem jasaýǵa qabiletti ekenin bildiretin belgi bolýy múmkin.

Nesıe tarıhy buzylǵandarǵa kredıt múlde berilmeı me?

Nesıe tarıhy buzylǵan azamattarǵa kredıt beretin bank bar dep 100 paıyz senimmen aıtý qıyn. Biraq kredıt uıymdary ár adamnyń ótinimin jeke qarastyratynyn eskergen jón. Sondyqtan tanysyńyzǵa nesıe tarıhy qurtylǵany úshin  qaryz bermegen bank sizge de "joq" deıdi deý qate. Eger nesıe boıynsha tólenbegen kúnder kóp bolmasa, bank mundaıǵa kóz juma qaraýy múmkin. Kredıt tarıhyn baǵalaıtyn krıterııler ár bankte ártúrli ekenin eskersek, bir bank úshin óreskel bolyp kóringen keshigý, kelesi bank úshin aıtarlyqtaı mańyzdy bolmaýy múmkin.

Derekkóz: bankchart.kz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir