72 814 adamǵa «Birgemiz» qorynan 50 myń teńgeden berildi. Almaty, Shymkent, Atyraý, Aqtóbe, Balqash, Jezqazǵan, Qaraǵandy, Kókshetaý, Qostanaı, Qyzylorda, Petropavl, Taldyqorǵan, Taraz, Temirtaý, Túrkistan jáne Oral sııaqty 16 qalanyń turǵyndary ataýly áleýmettik kómekti alyp úlgerdi.
Aqshalaı qarajat berý úsh kezeńde júzege asyrylady. 15 qazanda «BizBirgemiz» naýqanynyń besinshi tolqyny aıaqtalady. Bar bolǵany úsh kún ishinde elimizdiń 23 qalasynan 100 myń otbasyǵa kómek kórsetiledi.
Qazaqstandyqtar Elbasy men «Nur Otan» partııasyna áleýmettik jeliler arqyly alǵys bildirip, munyń koronavırýs pandemııasy jaǵdaıynda der kezinde kórsetilgen áleýmettik kómek ekenin aıtýda.
«Men jeti balanyń anasymyn. «Birgemiz» qorynan 50 myń teńge kelip tústi. «Birgemiz» qoryna, «Nur Otan»-ǵa jáne halyqtyń qamyn oılaǵan Elbasyǵa alǵysymdy aıtqym keledi», - dedi kópbalaly ana.
«Jańa ǵana meniń telefonyma «Birgemiz» qorynan 50 myń teńge túskeni týraly habarlama keldi. Osyndaı qıyn kezeńde qarapaıym halyqqa kómektesip jatqan qorǵa alǵysymdy bildirgim keledi. Nursultan Ábishulyna kórsetken qoldaýy úshin alǵysymdy aıta otyryp, isterińizge tabys pen gúldený tileımin», - dedi Shymkent qalasynyń turǵyny.
Nursultan Nazarbaev qorynyń qoldaýymen óńirlerge shamamen 5 mlrd teńge baǵyttaldy. Ataýly kómek kórsetý – Elbasy, «Nur Otan» partııasynyń Lıderi Nursultan Nazarbaevtyń qabyldaǵan sheshimi.
7 sanat boıynsha 100 myńnan astam azamat birjolǵy materıaldyq kómekpen qamtylady. Olardyń qatarynda turmysy tómen kópbalaly otbasylar, muqtaj múgedekter, múgedek balany tárbıelep otyrǵan otbasylar, eń tómengi zeınetaqy alatyn jáne halyqtyń áleýmettik álsiz tobyna jatatyn zeınetkerler, jetim balalar (tul jetim balalar men asyraýshysynyń birinen aıyrylǵan balalar), Uly Otan soǵysynyń qatysýshylary men múgedekter jine solarǵa teńestirilgender,tyl eńbekkerleri bar.
Kómek alýshylardyń tizimin burynǵydaı «Nur Otan» partııasynyń baqylaýymen ákimder usynady. Bul rette kómekti buryn almaǵan azamattar aldy.
Esterińizge sala keteıik, «Birgemiz» qory osy jyldyń naýryz aıynda Tuńǵysh Prezıdent, «Nur Otan» partııasynyń Lıderi Nursultan Nazarbaevtyń bastamasymen koronavırýspen kúres jaǵdaıynda halyqtyń áleýmettik osal toptaryn qoldaý úshin qurylǵan bolatyn. Osy ýaqyt ishinde qor qarajatynan 550 myńnan astam muqtaj azamat 50 myń teńgeden aldy. Pandemııamen kúreste aldyńǵy shepte bolǵan elorda men Almaty qalasynyń 2112 medısına qyzmetkerine birjolǵy tólem jasaldy. Pandemııa bastalǵan kezeńde Nur-Sultan, Almaty jáne Shymkent qalalaryndaǵy áleýmettik álsiz 100 myń otbasyǵa 5 mln. maska taratyldy.
Sonymen qatar, qor esebinen Túrkistan oblysynyń Maqtaaral aýdanyndaǵy Myrzakent aýylynda 20 úıdiń qurylysy aıaqtaldy. Qazirgi ýaqytta 12 úıdiń qurylysy jalǵasýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir