Qazaqstanda taǵy da tótenshe jaǵdaı engizile me?

Densaýlyq saqtaý mınıstri Alekseı Soı elde koronavırýs indeti órshise, qaıtadan tótenshe jaǵdaı rejımi engizilýi múmkin ekenin eskertti. Bul týraly ol onlaın baspasóz máslıhatynda aıtty.

– Bári epıdemıologııalyq jaǵdaıǵa baılanysty. Eger jaǵdaı talap etse, onda engiziledi. Biraq biz qyzmetter men halyqtyń jaýapkershiligi arqasynda qazirgi turaqtylyqty saqtap qalamyz degen úmittemiz. Ár azamat betperde taǵyp, ara qashyqtyqty saqtap, buqaralyq sharalar uıymdastyrmasa, karantınsiz-aq bul jaǵdaıdan shyǵýǵa múmkindik bar, – dedi Soı.

Aıta keteıik, keshe elorda ákimi Altaı Kólginov qalada karantın sharalary kúsheıtiletinin eskertken.