14 Qazan, 2020 NEWS

Norvegııa parlamentke jasalǵan kıbershabýyl úshin Reseıdi kinálaıdy

Reıters

Norvegııa bıligi tamyz aıynda eldiń parlamentiniń elektrondyq poshta júıesine kıbershabýyl jasaǵany úshin Reseıdi aıyptady.

Norvegııanyń syrtqy ister mınıstri Ine Erıksen Soreıde muny memlekettiń "eń mańyzdy demokratııalyq ınstıtýtyna" qatysty aýyr oqıǵa dep atady.

"Úkimetke qol jetimdi aqparatqa súıene otyryp, bul árekettiń artynda Reseı tur dep baǵalaımyz" dedi ol eshqandaı dálel keltirmeı.

Máskeý bul málimdemeni qabyldamaı, ony "qasaqana arandatýshylyq" dep atady.

Sereıde málimdemesinde Norvegııanyń qaýipsizdik jáne barlaý qyzmetteri "bul máselemen ulttyq deńgeıde kúresý úshin tyǵyz yntymaqtastyqta" ekenin aıtty.

Buǵan jaýap retinde Reseıdiń Oslodaǵy elshiligi eshqandaı dálelder keltirilmegenin aıtyp, "qolaısyz" habarlandyrýǵa kelispeýshiligin bildirgen.

Qyrkúıek aıynda Norvegııa bıligi birneshe sheneýnikke tıesili elektrondyq poshta jazbalary kıbershabýyl kezinde buzylǵanyn jáne keıbir aqparat júktelgenin málimdedi. Biraq buzý nátıjesinde keltirilgen zııannyń tolyq mólsheri jarııa etilmegen.

Norvegııanyń bul aıyptaýy Reseımen qarym-qatynastary shıelenisip turǵan kezde paıda boldy. Eki el de Arktıkamen shektesedi, al Norvegııa NATO-nyń múshesi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir