Getty
Koronavırýstyń qaıtadan órship ketpeýin úshin Chehııa mektepterdi, barlar men klýbtardy úsh aptaǵa ishinara jaýyp jatyr.
Aımaqtaǵy 100 myń adamǵa shaqqandaǵy eń joǵary ınfeksııa deńgeıi Chehııada tirkelgen. Sol sebepti meıramhanalar jabylyp, alkogoldi ishimdikter satýǵa tyıym salynady.
Nıderlandyda ishinara lokdaýn jarııalandy jáne jabyq oryndarda maska kııý mindetti boldy.
Sonymen qatar, kóptegen elderde aýrýhanaǵa túskender kúrt ósýde.
"Parıjdegi aýrýhanalardv kelesi aptanyń aıaǵynda qarqyndy terapııa tósekteriniń 90%-y tolyp ketýi múmkin" dep eskertti Fransııa memlekettik aýrýhanalar tobynyń basshysy Martın Hırsh.
"Prezıdent Emmanýel Makron sársenbide qosymsha shekteýler týraly jarııalaıdy" dep kútilýde. Jergilikti buqaralyq aqparat quraldarynyń habarlaýynsha, "qyzý núkteler" sanalatyn qalalar, sonyń ishinde Parıjde, keshki komendanttyq saǵat ornaýy múmkin.
Buǵan deıin Germanııa kansleri Angela Merkel Eýropadaǵy jaǵdaıdy "úlken alańdaýshylyqpen baqylap otyrǵanyn" jetkizip, "jaǵdaı áli de kúrdeli bolyp tur dep aıtýǵa májbúrmin" degen bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir