14 Qazan, 2020 NEWS

42 500 teńgeni qaıtarý mindetti me? Mınıstrlik jaýap berdi

Foto: qamshy.kz

Qazaqstandyqtar 42 500 teńge áleýmettik tólemin qaıtarýǵa mindetti emes. Bul týraly stopfake.kz saıty habarlady.

Saıttyń málimetinshe, áleýmettik jeliler men messendjerlerde tótenshe jaǵdaı rejımine baılanysty tabysyn joǵaltqandarǵa tólengen 42 500 teńge mólsherindegi tólemderdi qaıtarý qajet degen aqparat taraǵan bolatyn. 

Memleketten alynǵan qarajatty qaıtarýǵa bolǵanymen, mindetti túrde talap etilmeıdi. 

– Tótenshe jaǵdaı kezinde keıbir adamdar aılyq tabysy joǵalmasa da, áleýmettik tólemderdi zańsyz aldy. Olardyń keıbireýi bul qarajatty memleketke qaıtarý týraly sheshim qabyldady. Tólemder tólengennen beri shamamen 180 000 adam qarajatty qaıtardy. Bul adamnyń óz erkine qaraı júzege asyrylady. Azamattardy bul aqshany qaıtarýǵa mindetteıtin normalar men zańdar joq, – dep túsindirdi eńbek jáne halyqty áleýmettik qorǵaý mınıstrliginiń resmı ókili Aleksandr Konones.

Áleýmettik kómekti qatelesip alǵandar qaıtarýy úshin Kaspi Bank mobıldi qosymshasynda tıisti fýnksııa iske qosylǵan. Búginde onyń qyzmeti toqtady.

– Karantın kezinde tabysynan aıyrylmasa da, áleýmettik tólem alǵandar Kaspi.kz mobıldik qosymshasy arqyly qarajatty qaıtardy. Bul tólemderdi qaıtarý – árbir ár azamattyń erikti sheshimi, – dep jaýap bergen Kaspi Bank stopFake.kz portaly joldaǵan saýalǵa.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir