14 Qazan, 2020 Barlyq aımaqtar

Soı: Qazaqstandyqtardyń koronavırýs juqtyrý qaýpi artty

Foto: ashyq derekkóz

Búgin Ortalyq kommýnıkasııalar qyzmetinde ótken onlaın-brıfıngte Qazaqstan Respýblıkasynyń Densaýlyq saqtaý mınıstri Alekseı Soı elde koronavırýs juqtyrý qaýpi joǵary ekenin málimdedi. 

– Qazaqstanda koronavırýs ınfeksııasynyń jappaı taralýy maýsym-shilde aıynda bolsa, taldaý jasap, shamamen úsh aıdan keıin –  qarasha-jeltoqsanda aýrýdy aýyr ótkergen naýqastardyń antıdenesi báseńdeıtinin boljaýǵa bolady. Sondyqtan koronavırýs juqtyrý qaýpi joǵary. Qazir álemde qaıta juqtyrý jaǵdaılary kóp, Qazaqstanda joq. Biraq qaýip árqashan bar, – dedi mınıstr Soı. 

Mınıstrdiń aıtýynsha, turǵyndardy ujymdyq ımmýnıtet qalyptastyrý máselesi mazalaıdy. Osy oraıda  jappaı vaksına negizinde turǵyndardyń kóp bóliginde ımmýnıtet bolsa, aýrýdyń taralýy toqtaıtynyn aıtty.

Osylaısha, vaksına basqaratyn ımmýnıtet ınfeksııany joıa alady. Vaksına ázirlengenge deıin karantın sharalaryn oryndaý kerek. Soı ǵalymdardyń pikirin negizge ala otyryp, vırýs juqtyrǵan soń jazylǵan adamnyń 3-5 aıdan keıin koronavırýsqa qarsy antıdenesiniń joıylatynyn atap ótti.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir