Foto: «Nur Otan» partııasynyń baspasóz qyzmeti

«Nur Otan» partııasy Tóraǵasynyń birinshi orynbasary Baýyrjan Baıbek Qostanaı oblysyna jumys sapary barysynda Arqalyqta bolyp, partııanyń saılaýaldy baǵdarlamasynyń jobasynda eskeriletin qaladaǵy túıindi máselelerdi talqylady. Bul týraly ol Facebook jelisindegi paraqshasynda málimdedi.

«Arqalyqqa keldim. Turǵyndarmen birge «Nur Otan»-nyń qalalyq saılaýaldy baǵdarlamasynyń jobasyn talqyladyq.

О́zderińiz biletindeı, partııa Lıderi N.Á.Nazarbaevtyń tapsyrmasymen árbir eldimekenniń ereksheligi men máselelerin eskere otyryp, «Nur Otan» tuńǵysh ret ár óńir, qala men aýdan boıynsha 216 saılaýaldy baǵdarlamanyń jobalaryn ázirledi.

Elbasy atap ótkendeı, «Nur Otan» – naqty isterdiń partııasy, bizdiń saılaýaldy ýádelerimizdiń barlyǵy tyńǵylyqty eseptelýi tıis». Sondyqtan 5 jyldyq baǵdarlamalarda kórneki ındıkatorlar kórsetildi, bıýdjettiń múmkindigimen sáıkestendirilgen naqty basymdyqtar reti kózdeldi. El Prezıdenti Q.K.Toqaevtyń «Halyq únine qulaq asatyn memleket» tujyrymdamasy iske asyryla otyryp, partııanyń barlyq saılaýaldy baǵdarlamalary azamattardyń talap-tilekteri eskerilip pysyqtalady.

Sonymen, Arqalyq qalasynda partııaishilik praımerız barysynda 117 naqty usynys tústi. Turǵyndardy aýla alańdaryn abattandyrý men kóshelerdi jaryqtandyrý, bilim men densaýlyq saqtaý nysandaryn, joldar men ınjenerlik jelilerdi jóndeý sekildi máseleler tolǵandyrady.

Partııa fılıaly basshylyǵynyń málimetinshe, osy máselelerdiń barlyǵy baǵdarlamalardy pysyqtaý kezinde eskerilgen. Sonymen birge baǵdarlamanyń birqatar baǵyttary qosymsha pysyqtaýdy qajet etedi dep sanaımyn.

Foto: «Nur Otan» partııasynyń baspasóz qyzmeti

Mysaly, qazirgi tańdaǵy ózekti máselelerdiń biri – 13 eldimekende uıaly baılanyspen qamtamasyz etý jáne ınternettiń jyldamdyǵyn arttyrý. Budan basqa, qala turǵyndary balalardyń oıyn alańdary sapasynyń nasharlyǵyna shaǵym aıtyp, eski avtobýstardy aýystyrý máselesin kóterýde.

Torǵaı boksıt ken basqarmasynyń jabylýy josparlanýyna baılanysty 500-deı adamdy jumyspen qamtý qajet. Saılaýaldy baǵdarlama aıasynda bul másele partııalyq baqylaýǵa alynady. Bul rette bosatylatyn adamdardyń bir bóligi qazirgi kezde basqa kásiporyndarǵa jumysqa ornalasty.

Solardyń biri – «Torǵaı Et» et óńdeý kesheni. Oblys ákimi Arhımed Muhambetovpen birge qalada 120-daı jańa jumys ornyn qurýǵa múmkindik bergen óndiris alańyn araladym», - dep jazdy partııa Tóraǵasynyń birinshi orynbasary.

Sapar barysynda Baýyrjan Baıbek qalanyń jylý júıesin jaǵartý barysymen de tanysty. Aldaǵy ýaqytta Arqalyq JES-i mazýt ornyna kómir qoldanady. Sonyń arqasynda 2 mıllıardqa deıin bıýdjet qarajaty únemdelip, ony qalanyń basqa qajettilikterine jumsaýǵa múmkindik týady. Jobany 2021 jyly aıaqtaý mindeti «Nur Otan» partııasynyń saılaýaldy baǵdarlamasyna engizilgen.
Sonymen qatar partııa Tóraǵasynyń birinshi orynbasary Arqalyq aımaqtyq aýrýhanasynyń ujymymen kezdesti.

«Memleket basshysy Q.K. Toqaev taıaýda sóılegen sózinde pandemııanyń ekinshi tolqyny bolǵan jaǵdaıda negizgi aýyrtpalyqtyń taǵy da dárigerlerge túsetinin atap ótken bolatyn. Onyń tapsyrmasy boıynsha ekinshi jartyjyldyqta tólemaqyǵa 150 mıllıard teńgeden astam qarajat bólindi. «Nur Otan» partııasy fraksııasynyń depýtattary bıyl medısına qyzmetkerleriniń áleýmettik mártebesin kóterý men qorǵaýǵa baǵyttalǵan jańa «Densaýlyq týraly» Kodeksti qabyldady», - dedi B.Baıbek.

Foto: «Nur Otan» partııasynyń baspasóz qyzmeti

Sondaı-aq, ol medısına qyzmetkerlerimen birge partııanyń saılaýaldy baǵdarlamasyn talqylady. Onda densaýlyq saqtaý nysandarynyń materıaldyq-tehnıkalyq jabdyqtalýyn jaqsartý jáne halyqqa medısınalyq qyzmet kórsetý sapasyn arttyrý boıynsha naqty ındıkatorlar qamtylǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir