13 Qazan, 2020 Barlyq aımaqtar
Foto:akorda.kz
Prezıdent Q.Toqaev Qyrǵyzstandaǵy jaǵdaıdyń quqyqtyq alańǵa orala bastaǵany qýantqany týraly málimdedi.
"Prezıdent S.Jeenbekov – memlekettiń legıtımdi basshysy. Sondyqtan onyń qaqtyǵystardy toqtatyp, eldegi ahýaldy qalypqa keltirýge baǵyttalǵan áreketterin qoldaımyn. Qazaqstan úshin Qyrǵyzstandaǵy turaqtylyq strategııalyq seriktes ári odaqtas retinde mańyzdy. Baýyrlas Qyrǵyz elindegi jaǵdaıdyń birtindep konstıtýsııalyq jolǵa qaıtqany qýantady. Biz barlyq saıası kúshterdi qaqtyǵystardyń alǵashqy sátinen aq sabyrǵa shaqyrdyq" delingen Toqaevtyń twitter-degi jazbasynda.
Qyrǵyzstanda parlament saılaýy nátıjesimen kelispegen narazy top mıtıngisi qaqtyǵysqa ulasyp, elde tártipsizdik ornaǵan. Eldegi bıznes-qaýymdastyq ulttyq alıansy Qyrǵyzstandaǵy saıası turaqsyzdyqtyń saldarynan 104 mıllıon dollar shyǵyn kelgenin habarlady.
Qazir elde jaǵdaı turaqtala bastady.
Qyrǵyzstan prezıdenti Sooronbaı Jeenbekov jappaı tártipsizdikterden týyndaǵan zorlyq-zombylyqqa jáne adamdardyń ómiri men densaýlyǵyna qaýip tónýine baılanysty Bishkek aýmaǵynda 2020 jylǵy 12 qazannan bastap 19 qazanǵa deıin tótenshe jaǵdaı rejımin engizý týraly jarlyqqa qol qoıdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir