13 Qazan, 2020 NEWS

Nur-Sultanda qosymsha karantın sharalary engiziledi

Foto: Ashyq derekkóz

Elordada karantın sharalary kúsheıtiledi. Bul týraly qala ákimi Altaı Kólginov málimdedi.

– Covid-19 indetin juqtyrý qaýpiniń joǵarylaýy men naýqastardyń sanynyń artýyna baılanysty qalalyq shtab otyrysynda birqatar qosymsha shekteýler qabyldandy. Karantındik sharalar erteńnen bastap, ıaǵnı 14 qazannan bastap kúshine enedi.

Birinshiden, jergilikti atqarýshy organ qyzmetkerleri men olardyń kvazımemlekettik sektorynyń keminde 60%-y qashyqtan jumys rejımine aýysady. Adam kóp jınalatyn jeke uıymdar jumysshylardy qashyqtan jumys rejımine aýystyrýy qajet. Indetti juqtyrýdyń negizgi oshaqtary – ujymdyq (eńbek) oshaqtar. Jumys oryndarynda sanıtarııa-epıdemıologııa normalarynyń qatań saqtalýyn baqylaý qajet.

Ekinshiden, kafe, meıramhana, bar, ashana jáne basqa da qoǵamdyq tamaqtaný nysandarynyń jumys ýaqyty 22 saǵatqa deıin (9:00-den 22:00-ge deıin) qysqartylady. Jumys kúnderi de, demalys kúnderi de. Toltyrylýy 30 orynnan artyq emes.

Notarıýstardyń, advokattyq keńselerdiń, býhgalterlerdiń, konsaltıngtiń, jyljymaıtyn múlik agenttikteriniń, jarnama agenttikteriniń, sot oryndaýshylarynyń, týroperatorlardyń jáne t.b. jumys kestesi saǵat 18-ge deıin (9:00-den 18:00-ge deıin). Jumys kúnderi de, demalys kúnderi de.

Azyq-túlik emes taýarlar men zattardy satatyn býtıkterge tek jumys kúnderi 18 saǵatqa deıin jumys jasaý ruqsat etiledi.

Monsha, basseınmen qamtylǵan saýnalardyń jumys kestesi: jumys kúnderi 8:00-den 21:00-ge deıin, senbi jáne jeksenbi kúnderi 9:00-den 19:00-ge deıin. Aldyn-ala jazylý mindetti.

Jeksenbide qoǵamdyq kóliktiń jumysy toqtatylady. Avtobýstar dezınfeksııalanady.

Úshinshi. Polısııa departamenti sanıtarlyq dárigerlermen birlese kúndelikti reıdter júrgizip, sanıtarııa normalaryn ustaný boıynsha zańbuzýshylyq faktilerin anyqtaý jumysyn kúsheıtýi qajet.

Reıdter kóptegen nysandardyń sanıtarııa-epıdemıologııa normalaryn qatań saqtalmaı jatqandyǵyn kórsetip otyr. Uıymdar epıdemııalyq talaptardy birneshe ret buzǵan faktiler boldy. Mundaı resıdıvısterdiń qyzmeti toqtatylady, – dedi Altaı Kólginov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir