• USD 468.56

  • EUR 497.56

  • RUB 7.3

  • CNY 67.18

29 Naýryz, 18:05:04
Almaty
+35°

100 myńnan astam muqtaj otbasyǵa «Birgemiz» qorynan kómek beriledi. Osy maqsatqa qordan 5 mlrd teńgege jýyq qarjy bólinip, birjolǵy materıaldyq kómekke baǵyttalady. Elbasynyń tapsyrmasy boıynsha Nursultan Nazarbaev Qorynyń qoldaýymen qarajat qordyń shotyna tústi.

Keshe Nursultan Nazarbaev búkil el boıynsha taǵy 100 myń áleýmettik az qamtylǵan otbasyǵa 50 myń teńge kóleminde qosymsha ataýly tólemder uıymdastyrýdy tapsyrǵan bolatyn.

«Birgemiz» qorynyń tóraǵasy Rýslan Sákeevtiń aıtýynsha, 100 myńnan astam azamat birjolǵy materıaldyq kómekpen qamtylady. Kómek qarajatty alýshylardyń 7 sanaty bekitilgen. Olardyń qatarynda turmysy tómen kópbalaly otbasylar, muqtaj múgedekter, múgedek balany tárbıelep otyrǵan otbasylar, eń tómengi zeınetaqy alatyn jáne halyqtyń áleýmettik álsiz tobyna jatatyn zeınetkerler, jetim balalar (tul jetim balalar men asyraýshysynyń birinen aırylǵan balalar), Uly Otan soǵysyna qatysýshylary men múgedekter jáne solarǵa teńestirilgender, tyl eńbekkerleri bar.

«Kómek alýshylardyń tizimin burynǵydaı ákimder usynady. Bul rette biz buryn kómek kórsetilmegen azamattardyń alýyn qadaǵalaımyz», - dedi qor tóraǵasy.

Sondaı-aq, R.Sákeev qazirgi tańda osy baǵytta óńirlermen qarqyndy jumys júrgizilip jatqanyn jáne azamattarǵa birjolǵy kómek jaqyn kúnderi beriletinin atap ótti.

Esterińizge sala keteıik, «Birgemiz» qory osy jyldyń naýryz aıynda Tuńǵysh Prezıdent, «Nur Otan» partııasynyń Lıderi Nursultan Nazarbaevtyń bastamasymen koronavırýspen kúres jaǵdaıynda halyqtyń áleýmettik osal toptaryn qoldaý úshin qurylǵan bolatyn. Osy ýaqyt ishinde qor qarajatynan 550 myńnan astam muqtaj azamat 50 myń teńgeden aldy. Pandemııamen kúreste aldyńǵy shepte bolǵan elorda men Almaty qalasynyń 2112 medısına qyzmetkerine birjolǵy tólem jasaldy. Pandemııa bastalǵan kezeńde Nur-Sultan, Almaty jáne Shymkent qalalaryndaǵy áleýmettik álsiz 100 myń otbasyǵa 5 mln. maska taratyldy.

Sonymen qatar, qor esebinen Túrkistan oblysynyń Maqtaaral aýdanyndaǵy Myrzakent aýylynda 20 úıdiń qurylysy aıaqtaldy. Qazirgi ýaqytta 12 úıdiń qurylysy jalǵasýda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir