13 Qazan, 2020 NEWS
Foto: ar.pinterest.com
Bilim jáne ǵylym mınıstrligi kúzgi demalysta oqýshylardyń qansha kún demalatynyn málimdedi.
"Kúzgi qanıkýl kezinde oqýshylar 5-14 qarasha aralyǵynda 10 kún demalady" delingen mınıstrlik taratqan habarlamada.
Aıta keteıik, bilim jáne ǵylym mınıstri Ashat Aımaǵambetov ata-analardyń derbes sheshimi boıynsha kezekshi synyptardyń uıymdastyrylatynyn aıtqan.
Sondaı-aq, ol qashyqtan oqytý boıynsha eki negizgi baǵytty atap ótti:
- Arnaıy ınternet-platformalar arqyly oqytý. Platformalardyń yńǵaıyna baılanysty mektepter, qalalyq, aýdandyq mektepter bilim bólimderi sheshim qabyldady.
- "El Arna" jáne "Balapan" telearnalary arqyly beriletin telesabaqtar, qazir 9 saǵatqa deıin efır berilip otyr
Onyń aıtýynsha, sabaq uzaqtyǵy – 40 mınýt. Balalar bir kabınette oqytylady. Synyptarda dezınfeksııalyq sharalar júrgiziledi.
Bıylǵy oqý jylynda Qazaqstan boıynsha 104 oqýshy koronavırýs juqtyrǵan. Onyń 33-i kezekshi synypta oqıtyndar.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir