08 Qyrkúıek, 2020 NEWS

Almatyda mádenıet nysandary qalypty rejımde jumys istep jatyr

kazinform

Almaty qalasynyń Mádenıet nysandary karantın sharalaryn saqtaı otyryp, shtattyq rejımde jumys istep jatyr. 

Amaty qalasynyń bas sanıtarlyq dárigeri Jandarbek Bekshınniń qaýlysyna sáıkes, karantınniń jeńildetilýine baılanysty 1 qyrkúıekten bastap qalada murajaılar, kitaphanalar men haıýanattar baǵy qalypty rejımde jumys isteı bastady.

«Almaty qalasynyń mýzeıler birlestigi» KMQK ( Almaty murajaıy, Yqylas atyndaǵy ulttyq aspaptar mýzeıi, D. A. Qonaev mýzeı, N. Tilendıev atyndaǵy memorıaldyq murajaı, S. Muqanov jáne Ǵ. Músirepov atyndaǵy ádebı-memorıaldyq murajaı kesheni, Raıymbek batyr dástúrli mýzyka mýltımedııalyq murajaı kesheni) kúndelikti 10:00–den 19:00–ge deıin jumys isteıdi.

Aıta keteıik, Yqylas atyndaǵy halyq mýzykalyq aspaptar murajaıynda Azııa jáne Eýropa mýzykalyq aspaptarynyń jańa zaldary ashyldy.

Karantın kezinde Almaty haıýanattar baǵynda kerik, zebra, Prjevalskıı jylqysynyń qulyny, buǵy, aqbóken, túıe, japon tyrnasy, emý túıequsy dúnıege keldi. Ártúrli qustar men janýarlardyń júzden astam balasy bar. Barlyq tóldegen janýarlar tólderimen birge ekspozısııada.

Haıýanattar baǵy kúndelikti saǵat 9:00-den 19:00-ge deıin jumysyn qaıta bastady. Tek kassalar bir saǵat buryn erte jabylady.

Qalalyq kitaphanalar da ádettegideı 9:00-den 20:00-ge deıin jumys isteıdi.

Sondaı-aq, kitaptardy úıge 15 kúnge alýǵa bolady. Ortalyqtandyrylǵan kitaphana júıesi onlaın rejıminde kóptegen basqa is-sharalardy ótkizedi. Atap aıtqanda, qazan aıynda balalar jazýshysy S. Begalınniń 125 jyldyǵyna arnalǵan onlaın rejıminde halyqaralyq konferensııa ótkizý josparlanýda.

Mádenı nysandarǵa kiretin kezde qatań túrde áleýmettik qashyqtyqty jáne qorǵanys maskalaryn taǵyp kirý qajet.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir