Almatyda otbasy kúnine arnalǵan aptalyq ótýde

Qazaqstanda qyrkúıektiń ekinshi jeksenbisi Otbasy kúni bolyp belgilengen. Osyǵan oraı Almatyda «Almaty – baqytty otbasylar mekeni» aksııasy ótedi.

«Turmystyq zorlyq-zombylyq qurbandaryna arnalǵan daǵdarys ortalyǵy» KMM Qazaqstandaǵy Otbasy kúnine baılanysty 7– 11 qyrkúıek aralyǵynda túrli sharalardy qamtıtyn aptalyq ótkizedi. Aptalyq aıasynda oıyn-saýyq, tárbıelik jáne qaıyrymdylyq sharalar men «Almaty – baqytty otbasylar mekeni» aksııasy bar»,– dep habarlady daǵdarys ortalyǵynan.

Ár adam ómirindegi eń qarapaıym ári eń mańyzdy nárseler: januıasy, bala-shaǵasy, úıi jáne jaqyn adamdary. Barlyq ýaqytta otbasy kúshti memlekettiń negizi, ártúrli kezeń urpaqtaryn biriktiretin halyqtyń rýhanı jáne mádenı dástúrlerin saqtaýshy boldy jáne solaı bolyp qala bermek. Otbasy kúnin atap ótý arqyly biz ejelden jalǵasyn taýyp jatqan otbasyna súıispenshilikpen qarap, qamqorlyq tanytý dástúrlerin jańǵyrtyp, olarǵa jańa lep beremiz.

«Almaty – baqytty otbasylar mekeni» aksııasyna Almaty qalasy Áýezov, Almaly, Bostandyq jáne Túrksib aýdandandaryndaǵy polısııa basqarmasynyń áıelderdi zorlyq-zombylyqtan qorǵaý jónindegi ınspektorlary jáne Daǵdarys ortalyǵynyń qyzmetkerleri qatysýda. Atalmysh aksııanyń alǵashqy kezeńinde qolóner boıynsha sheberlik synyptar ótken. Onda Daǵdarys ortalyǵynda qonystanǵan balalar men ınspektorlar birlese otyryp tastar, atlas jolaqtary jáne foamırannan ádemi sýretter men túrli áshekeı buıymdar jasady. Qorytyndy retinde aksııaǵa qatysýshylardyń bir toby qoldaýdy qajet etetin otbasylarǵa baryp, sheberlik synyptarynda jasalǵan syılyqtar men mektep oqýshylaryna arnalǵan keńse taýarlaryn berý josparlap otyr», – delingen habarlamada.