Almatyda jylytý maýsymynda órtke qarsy qaýipsizdik qyzmetine baqylaý kúsheıdi

Almatydaǵy óńirlik kommýnıkasııalar qyzmetiniń alańynda ótken onlaın brıfıng barysynda qalalyq TJD zilzalalardyń qaýip-qaterin azaıtý jáne azamattyq qorǵaý salasyndaǵy baqylaý Basqarma bastyǵynyń mindetin atqarýshy, azamattyq qorǵaý podpolkovnıgi Talǵat Dúısebaev jylytý maýsymynda jekemenshik sektorda órtke qarsy qaýipsizdikti baqylaý boıynsha kúsheıtý sharalary týraly aıtty.

2019-2020 jyldar aralyǵyndaǵy jylý berý kezeńinde Almaty qalasynyń turǵyn úı sektorynda barlyǵy (2019 jyldyń qyrkúıeginen 2020 jyldyń sáýirine deıingi esep boıynsha) 260 órt boldy, onyń 113-i nemese 43 paıyzy jeke sektorda boldy, 30 adam zardap shekti, onyń 23-i jeke turǵyn úılerde, 7-ýi kóp qabatty úılerde oryn aldy.

Zardap shegýge ákelip soqtyrǵan jeke turǵyn úılerdegi órttiń shyǵý sebepteri:
otqa uqypsyz qaraý (temeki shegý) - 12 adam;
elektr symdarynyń qysqa tuıyqtalýy - 10 adam jáne bir órteý;

Taldaý málimetterine súıene otyryp, Almaty qalasynyń Tótenshe jaǵdaılar departamenti jylý berý kezeńinde órtten jáne kómirtegi totyǵymen ýlanýda adamdardyń qaıtys bolýy men jaraqattanýyn azaıtý maqsatynda keshendi sharalar júrgizip otyrady.

«Aǵymdaǵy jylǵy jylytý maýsymyna daıyndyq barysynda aýdandyq ákimdiktermen birlesip jeke turǵyn úılerdiń tizimi túzetildi, 145 myń 471 úı esepke alynyp, tirkeldi. Tizimder qaıta qaralyp, turǵyndardyń áleýmettik osal toptaryna jatatyn 945 úı jeke topqa bólindi, onyń ishinde, 605 úı qatty otynmen jylytylady», - dep atap ótti T.Dúısebaev.

Tamyz aıynan bastap JPQ, Turǵyn úı saıasaty basqarmasy, «QazTransGazAımaq» AQ-y, aýdandyq ákimdikterdiń áleýmettik sala bólimderimen birge eriktilerdi tarta otyryp, 227 reıd júrgizildi, reıd barysynda 20 myńnan astam úıdi aralap shyqty. Bul rette, eń aldymen, turǵyndardyń áleýmettik osal toptarynyń (kóp balaly otbasylar, áleýmettik jaǵdaılary az qamtylǵan jáne mobıldi emes) úıler qamtyldy.

«Saýalnamalar barysynda órt qaýipsizdigi sharalary týraly 40 myńnan astam eskertpeler taratyldy. Jalpy, ákimdikterdiń qoldaýymen qatty otyn paıdalanatyn 1238 jeke turǵyn úı datchıktermen jabdyqtalǵan», - dep tolyqtyrdy spıker.

Júrgizilgen jumystardyń nátıjesi retinde turǵyn úı sektoryndaǵy órtter sanynyń 6 paıyzǵa, sondaı-aq peshterdi salý jáne paıdalaný kezindegi órt qaýipsizdigi erejeleriniń buzylýy 33 paıyzǵa, elektr jelilerin montajdaý jáne paıdalaný erejelerin buzý saldarynan bolatyn órttiń sany 17 paıyzǵa, otqa uqypsyz qaraý 13 paıyzǵa tómendegenin aıtyp ótýge bolady, órtsiz kómirtegi totyǵymen ýlanýdan zardap shekkenderdiń sany 25% -ǵa azaıdy.

Sonymen birge, tabıǵı gazben ýlaný qaýpin azaıtý maqsatynda Turǵyn úı saıasaty basqarmasy men «QazTransGazAımaq» AQ- na gaz júıeleri men jabdyqtaryn tek qana gazdyń aǵyp ketý datchıkteri (gaz analızatory) bolǵan jaǵdaıda ǵana paıdalanýǵa berý usynyldy.

Almaty qalasy Tótenshe jaǵdaılar departamenti turǵyndar arasynda kómirtegi totyǵynan ýlanýdy boldyrmaý úshin kelesi negizgi erejelerdi saqtaý qajettigin eskertedi:
- úıdegi barlyq elektr symdaryn jaramdy kúıde ustańyz;
- jylý berý kezeńinde, jylytý peshteriniń murjalaryn, kúıe qubyrlaryn tazartyńyz;
- murjadaǵy tartqyshty tekserip, túnde murjany jappańyz;
- aǵash, zyǵyr mata jáne basqa janǵysh zattardy peshterde, tútin murjalarynda jáne basqa da jylytý qurylǵylarynda keptirýge jol bermeńiz;
- avtonomdy jylytý jáne gaz qurylǵylaryn qaýipsiz paıdalaný erejelerin saqtańyz.