Memleket basshysy Qasym-Jomart Toqaev Emomalı Rahmondy Tájikstan respýblıkasynyń prezıdenti bolyp qaıta saılanýymen quttyqtady, dep habarlady Aqorda saıty.

Saıt málimetinshe, Toqaev E.Rahmondy Tájikstannyń prezıdenti bolyp qaıta saılanýymen quttyqtady. Saılaý qorytyndylary onyń strategııalyq baǵytyna degen joǵary senim men búkilhalyqtyq qoldaýdyń belgisi ekenin atap ótti.

Áńgimelesý barysynda memleket basshysy Tájikstan prezıdentiniń eki el arasyndaǵy berik dostyq baılanystardy jáne strategııalyq áriptestikti damytýǵa zor úles qosqanyn aıtty.

"Qazaqstan Prezıdenti baýyrlas eki halyqtyń múddesi jolynda kúsh-jiger biriktirý arqyly kópjaqty qazaq-tájik yntymaqtastyǵy jańa belesterge kóteriletinine senim bildirdi.

Taraptar ekijaqty kún tártibindegi barlyq másele boıynsha birlesken jumysty belsendi jalǵastyrýǵa daıyn ekenin rastady. Qasym-Jomart Toqaev strategııalyq seriktestikti nyǵaıtý jáne qazaq-tájik qatynastaryna tyń serpin berý maqsatynda Emomalı Rahmondy ózine yńǵaıly kez-kelgen ýaqytta Qazaqstanǵa resmı saparmen kelýge shaqyrdy" delingen habarlamada.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir