12 Qazan, 2020 Saıasat

Jeenbekov Bishkekte tótenshe jaǵdaı rejımin qaıta engizdi

Foto: kabar.kg

Qyrǵyzstan prezıdenti Sooronbaı Jeenbekov Bishkekte tótenshe jaǵdaı rejımin qaıta engizý týraly tıisti jarlyqqa qol qoıyldy. Bul týraly 24.kg saıty habarlady. 

"Qyrǵyzstan Respýblıkasy Konstıtýsııasynyń 64-baby 9-bóligi 2-tarmaǵy jáne 3, 4, 7, 8-baptaryna, "Tótenshe jaǵdaı týraly" Qyrǵyz Respýblıkasynyń Konstıtýsııalyq zańyna sáıkes azamattardyń ómiri men densaýlyǵyn qorǵaýdy, olardyń qaýipsizdigin qamtamasyz etý úshin, sondaı-aq qoǵamdyq-saıası jaǵdaıdy tez turaqtandyrý men Bishkek qalasynyń aýmaǵynda qoǵamdyq tártipti ornatý kerek.

Sondyqtan, jappaı tártipsizdikterden týyndaǵan zorlyq-zombylyqqa jáne adamdardyń ómiri men densaýlyǵyna qaýip tónýine baılanysty Bishkek aýmaǵynda 2020 jylǵy 12 qazannan (saǵat 20: 00-den) bastap 19 qazanǵa (saǵat 7: 00-ge) deıingi kezeńge tótenshe jaǵdaı rejımin engizildi" delingen aqparattyq habarlamady.

Elde jaǵdaıdyń qalypqa kelýine kedergi keltiretin saıası partııalardyń, qoǵamdyq uıymdardyń, buqaralyq qozǵalystardyń, azamattardyń táýelsiz birlestikteriniń qyzmeti toqtatylyp jatyr.

Jarlyq Jogorký Keneshke jiberiledi jáne qol qoıylǵan sátten bastap kúshine enedi.

Tótenshe jaǵdaı rejımin engizý týraly alǵashqy jarlyqqa Prezıdent 9 qazanda qol qoıdy, biraq Jogorký Kenesh maquldamady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir