12 Qazan, 2020 Barlyq aımaqtar

"Máńgilik Qazaqstan" qoǵamdyq qorynyń psıhology jazasyn ótep jatqan jasópirimdermen kezdesti

Foto: Kezdesý sátinen

Almaty qalasynyń QAJ Departamentine qarasty  LA 155/6 mekemesinde tárbıe jumysyn nyǵaıtýǵa baılanysty, Almaty qalasy Qoǵamdyq damý basqarmasynyń qoldaýymen «Máńgilik Qazaqstan» qoǵamdyq qorynyń jetekshisi Nálibaev Beıbittiń uıymdastyrýmen «Bas bostandyǵynan aıyrý orynan shyqqan adamdardy áleýmettik beıimdeýge baǵyttalǵan joba» aıasynda, psıhologııa ǵylymdarynyń kandıdaty Janna Iаvorskaıa kámelet jasqa tolmaǵan  jazaly jasóspirimdermen kezdesý ótkizdi. Psıholog Janna Iаvorskaıa jazaly jasóspirimdermen suhbat júrgizip, sýret saldyryp, salǵan sýretteriniń maǵynalaryn ashyp aıtyp berdi.

Ol túsiný jáne keshirý, degen taqyrypta suhbat júrgizdi. Bas bostandyǵynan aıyrylǵan jasóspirimderge bostandyqqa shyqqannan keıin, aldaryna maqsat qoıyp qoǵamda óz oryndaryn tabýyna jol kórsetti. Al qordyń dızaıneri, vıdeomeıkeri Seıdomar Batyrjan óziniń jasaǵan motıvaısıaılyq sýretterin syıǵa tartty. «Máńgilik Qazaqstan» qoǵamdyq qorynyń joba jetekshisi Beıbit Nálibaev osyndaı jobalar aıasynda bas bostandyǵynan aıyrý orynda otyrǵan adamdardy áleýmettik beıimdeý maqsatynda kóptegen kómek kórsetilgenin atap ótti. Tipti karantın ýaqytynda da LA-155/6 mekemesimen onlaın kezdesý ótkizip, zańgerlik keńes jáne psıhologııalyq kómek, tipti óner salasyndaǵy maıtalmandarmen jarqyn júzdesý uıymdastyryp, jasóspirimdermen onlaın túrinde, sheberlik sabaqtaryn ótkizip, balalardyń kóńilinen shyǵa bildi. Jobanyń aıaqtalýyna baılanysty ózderi kelip, jasóspirimdermen arnaıy kezdesý ótkizdi.

Jobanyń  maqsaty: Otandy súıýge, tildi, eldi tereń bilýge baýlı otyryp, adamgershilikke, týǵan jer, týǵan tili, dástúr, salt sanasy jaıly kórkem sózderdi aıtqyzý arqyly ásemdik pen ádeptilikke tárbıeleý jáne bas bostandyǵynan aıyrylǵan adamdardy áleýmettik beıimdeýge arnalǵan deıdi joba jetekshisi Beıbit Nálibaev. Kezdesý sońynda kelgen qonaqtarǵa mekemeniń SAÁPTJB bóliminiń bastyǵy ádilet maıory A.Bázilbaeva qonaqtarǵa sheksiz alǵysyn bildirip, bolashaqta da osyndaı kezdesýler jıi bolatyn aıtty.

"Jastardy, áserese, jasóspirimderdi jaman ádetterden jırendirý arqyly, qoǵamǵa paıdaly adam retinde durys tárbıe berý arqyly, qoǵamda óz oryndaryn taba bilýine jol kórsetý – basty maqsat" deıdi A.Bázilbaeva.

E. Jeńishan

Ilmek sózder: máńgilik qazaqstan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir