Getty
Soltústik Koreıa áskerı paradta jańa strategııalyq qarýlaryn, onyń ishinde kontınentaldy ballıstıkalyq zymyrandy kórsetkennen keıin, Ońtústik Koreıa úkimeti shuǵyl májilis ótkizdi.
"Phenıannyń bıleýshi jumysshylar partııasynyń qurylǵanyna 75 jyl tolýyna oraı uıymdastyrylǵan sharada Soltústik Koreıa basshysy Kım Chen Yn emosıonaldy túrde sóz sóıledi" delingen Ońtústik Koreıa prezıdentiniń keńsesi tarathan habarlamada.
Sondaı-aq jıynda súńgýir qaıyqqa jiberiletin ballıstıkalyq zymyran qamtylyp, jańa qarý-jaraqtar jáne olarǵa qarsy Seýldiń qorǵanys qabileti týraly aıtylǵan. Sonymen qatar, ózara áskerı qaqtyǵystar men soǵystyń aldyn-alý úshin jasalǵan kelisimderge "moıynsuný kerektigi" eskertilgen.
Ońtústik Koreıa qorǵanys mınıstrliginiń ókili jeksenbide Soltústik Koreıanyń joıǵysh qarý-jaraqtarynyń jarııalanýyna baılanysty "alańdaýshylyq" bildirgenin jáne jańa qarýdy Vashıngtonmen birge egjeı-tegjeıli taldap jatqanyn málimdegen. AQSh-tyń joǵary laýazymdy tulǵalarynyń biri NBC News-ke Soltústik Koreıanyń qarý-jaraqtardy jarııalaýy "kóńil kónshitpeıtinin" aıtqan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir