Qyrǵyzstannyń eks-prezıdenti Almazbek Atambaevtyń jaqtaýshysy ashtyq jarııalady. Bul týraly 24.kg saıty habarlady.

Eks-prezıdent jaqtaýshysy Temırlan Sýltanbekovtyń bul áreketin agenttikke advokat Chynara Djakýpbekova málimdegen. Onyń aıtýynsha, Temırlan qazir Bishkektegi ishki ister basqarmasynyń ýaqytsha ustaý ızolıatorynda.

– Meniń qorǵaýshymnyń aıtýynsha, olar ony azaptaımyz dep qorqytqan. Tergeýshiler onyń naqty ne úshin ustalǵanyn túsindire almady, – dedi Ch.Djakýpbekova.

Eske salaıyq, Bishkekte parlamenttik saılaýynyń nátıjesine kelispegenderdiń mıtıngi tártipsizdikke ulasqan. 5-6 qazanǵa qaraǵan túni narazy tor "Aq úıdi" basyp alyp, órtep jiberdi. Sol túni eks-prezıdent Almazbek Atambaev, Qoı-Tash aýylyndaǵy oqıǵalar boıynsha tergeýge alynǵandar, burynǵy premer-mınıstr Sapar Isakov jáne parlamenttiń eks-depýtaty Ravshan Djeenbekov túrmeden bosatyldy.

Keshe Atambaev ustalyp, kameraǵa qamaldy. Oǵan tártipsizdik uıymdastyrdy degen aıyp taǵylyp otyr. Farıd Nııazov pen Temirlan Sultanbekov  ýaqytsha tergeý ızolıatoryna ornalastyryldy. Burynǵy prezıdenttiń uldary da tergeýge alynyp, úı qamaqqa jabyldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir