11 Qazan, 2020 NEWS

Turǵymbaev ShQO polıseıiniń beıneúndeýine jaýap berdi

Foto: Qamshy.kz

Ishki ister mınıstri Erlan Turǵymbaev ShQO polıseıiniń beıneótinishin jeke baqylaýyna aldy. Bul týraly mınıstrliktiń resmı saıtynda málimdeldi.

"Mınıstr ShQO-ǵa ózindik qaýipsizdik departamentiniń qyzmetkerlerin jiberdi. Olar qyzmettik tekseris júrgizip, barlyq mán-jaıdy anyqtap, polısııa bólimi basshysynyń is-áreketine quqyqtyq baǵa beretin bolady" delingen resmı saıt taratqan habarlamada.

Aıta keteıik, Shyǵys Qazaqstan oblysynda polısııa qyzmetkeri basshysynyń zańsyz iske májbúrlegenin aıtqan vıdeosy jarııalanǵan.

Vıdeoúndeý avtorynyń aıtýynsha, ol 2013 jyldan beri ákimshilik qamaýǵa alynǵan adamdardy ustaý ızolıatorynda jumys isteıdi. Bıyl 27 shildede jumystaǵy kezekshilik ýaqytynda kezekshi ofıser Sharman aýdandyq polısııa bólimi bastyǵynyń mindetin ýaqytsha atqarýshyǵa qońyraý shalýyn suraǵan. Ol ákimshilik kodekstiń 608-baby boıynsha sot úkimimen 15 táýlikke qamalǵan 1970 jylǵy sottalýshyny bosatý keregin aıtqan. Sottalýshy kórshi aýylǵa jerleý rásimine baryp keletinin eskertken. 

– "Eshkimge baıqatpaı baryp keledi" dedi. Basshym jaýapkershilikti óz moınyna alatynyn aıtty. Prokýrormen keliskenin de aıtty. "Aýyryp qaldy" degen syltaýdy aıtýymdy surady. Biraq men onyń buıryǵyn oryndaýdan bas tarttym, – deıdi polıseı.

Onyń aıtýynsha, polısııa qyzmetkeri barlyǵyn dıktafonǵa jazyp alǵan. Ol jaıtty ishki ister mınıstri men bas prokýrorǵa habarlaǵan. Tártiptik komıssııanyń sheshimimen ony qyzmetinde qaldyryp, tolyq emes qyzmet jazasyn taǵaıyndaý jaıly sheshim qabyldanǵan. Polıseıge "Jumysyńdy aýystyrǵyń kele me?" degen.

Polıseı "bul istiń jaýapsyz qalǵanyn qalamaımyn. Sonda antty ne úshin berdim? Sot sheshiminiń ol úshin zańdy kúshi bolmasa, ol ózin kimmin dep oılaıdy?" delingen vıdeoúndeýde.

Oqı otyryńyz: ShQO polıseıi basshysynyń zańsyz isin áshkereledi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir