10 Qazan, 2020 NEWS

Atambaevtyń jaqtastary: Ony arnaıy jasaq ustaýǵa keldi

Foto: Vlast.kz

Qyrǵyzstannyń eks-prezıdenti Almazbek Atambaev bir jyl buryn arnaıy operasııa aıasynda ustalǵan qala syrtyndaǵy úıinde joq, dep habarlady Sputnik Kyrgyzstan.

Arnaıy jasaq Almazbek Atambaevty ustaý úshin Koı-Tashtaǵy úıine keldi, dep jazady saıasatkerdiń jaqtastary áleýmettik jelilerde. Oqıǵa ornynan túsirilgen vıdeo jelide paıda boldy.

Derekkózderdiń aldyn-ala málimetteri boıynsha Atambaev ol úıde joq. Baspasózdiń habarlaýynsha, ulttyq qaýipsizdik memlekettik komıtetiniń baspasóz qyzmeti pikir bermegen.

Eske sala keteıik, ótken jyldyń jazynda Atambaev qala mańyndaǵy osy úıinde ustalǵan bolatyn. 2020 jyldyń 6 qazanyna qaraǵan túni ol Bishkektegi jappaı tártipsizdik tolqynynda UQKU tergeý ızolıatorynan bosatyldy.

Ilmek sózder: atambaev qyrǵyzstan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir