09 Qazan, 2020 NEWS

Qyrǵyzstan prezıdenti málimdeme jasady (vıdeo)

Foto: Kabar saıty

Qyrǵyzstan prezıdenti Sooronbaı Jeenbekov eldegi jaǵdaıǵa baılanysty málimdeme jasady. Bul týraly Kabar portaly habarlady.

"Qurmetti otandastar!

Keıbir saıasatkerlerdiń shekten tys ambısııasynyń kesirinen bizdiń azamattardyń beıbit ómiri men el tynyshtyǵyna qaýip tóndi.

Saıası urandarmen qatar, eldiń birligi men qoǵamnyń beıbit ómirine nuqsan keltiretin úndeýler de aıtyldy.

Qyrǵyzstanǵa qaýip-qater tónip tur.

Qymbatty qyrǵyzstandyqtar, halqymyzdyń beıbit ómiri saıası oıynnyń qurbany bolmaýy kerek. Sol úshin Bishkekte tótenshe jaǵdaı rejımi engizildi. Búgin men sol týraly tıisti jarlyqqa qol qoıdym.

Konstıtýsııalyq quziretimniń aıasynda men azamattardyń tynysh ómiri men eldiń tutastyǵyn saqtaý úshin qolymnan kelgenniń bárin jasaımyn. Elimizdiń búkil  kúshi meni tolyq qoldaıdy dep senemin. Búgin biz eldigimizge shynaıy qaýip tóngenine kýá bolyp otyrmyz. Sondyqtan beı-jaı qarap turmaı, osy qıyn kúnderden birge shyǵaıyq.

Jaratqan halqymyzǵa jáne súıikti Qyrǵyzstanymyzǵa jar bolsyn!" delingen habarlamada.

Ilmek sózder: Qyrǵyzstan mıtıng

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir