09 Qazan, 2020 NEWS

Zeınetaqy qoryndaǵy aqshamen kredıt tóleýge bola ma? Mınıstr jaýap berdi

Foto: Ashyq derekkóz

Úı kepilde bolsa, zeınetaqy qorynyń esebinen tólep, kredıtti jabýǵa bolady. Bul týraly Eńbek jáne halyqty áleýmettik qorǵaý mınıstri Birjan Nurymbetov aıtty.  

– Árıne, bolady. Bul jerde kez-kelgen úı ıpotekaǵa, kredıtke alynsa ol kepilde turmaı ma?! Kepilde sizdiń menshigińizdegi múligińiz turady. Sondyqtan tolyǵymen sol úıge qatysty ıpotekany jabýǵa zeınetaqy qoryndaǵy jarnalardy paıdalanýǵa bolady, – dedi Nurymbetov onlaın brıfıngte.

Sondaı-aq ol koronavırýs indetiniń ekinshi tolqynyna baılanysty elde qatań karantın jarııalanatyn bolsa, úkimet jumyssyz qalǵan qazaqstandyqtarǵa áleýmettik qoldaý kórsetetinin atap aıtty.

– Buǵan deıin meniń áriptesim – densaýlyq saqtaý mınıstri epıdemıologııalyq jaǵdaıǵa qatysty birneshe ssenarıı usynǵanyn bilesizder. Biraq qazir ol boljamdardyń qaısysy bolatynyn bilmeımiz. Eger sol ssenarıılerdiń bireýi oryn alyp jatsa, árıne, úkimet tarapynan mindetti túrde ekonomıkany, bıznesti, halyqty qoldaý sharalary qabyldanady, – dedi mınıstr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir