09 Qazan, 2020 NEWS

Munaı kompanııasy qaıyrymdylyq jasady

Foto: qamshy.kz

Qazaqstanǵa koronavırýsty emdeıtin dári-dármekter jetkizildi. «Shevron» kompanııasy Qazaqstan Respýblıkasy Densaýlyq saqtaý mınıstrligine dári-dármekti satyp alýǵa jáne jetkizýge kómek kórsetti.

«Shevron» korporasııasynyń bastamasy aıasynda indetke shaldyqqandardy emdeýge qajetti dári-dármekterdiń birinshi toptamasy Almaty qalasyna kelip jetti. «Shevron» bul medısınalyq dárilerdi Qazaqstan Respýblıkasy Densaýlyq saqtaý mınıstrligine kórsetilgen gýmanıtarlyq kómek aıasynda satyp alǵan.

–  «Shevron» kompanııasy únemi áleýmettik qoldaý tanytady. Sizder Qazaqstandaǵy ózekti máselelerge eshqashan beı-jaı qaramaısyzdar. Sizderge elimizge kórsetken gýmanıtarlyq kómek úshin, dáriler úshin alǵys aıtqym keledi. Qazaqstandaǵy koronavırýstyq ınfeksııa men pnevmonııa indetiniń taralýyn biz birigip toqtata alamyz, – dedi Densaýlyq saqtaý mınıstri Alekseı Soı.

– «Shevron» kompanııasynyń atynan men Almaty qalasyna dári-dármekterdiń birinshi toptamasy kelgenin qýanyshpen habarlaımyn, olar Qazaqstan emhanalary men aýrýhanalaryndaǵy pasıentterge jetkiziletin bolady. Osy qaıyrymdylyq jobasy arqyly biz Qazaqstan halqyna kúrdeli ýaqytta qoldaý kórsetýdi maqsat ettik, – dedi kompanııanyń Eýrazııa bólimshesiniń basqarýshy dırektory Djon Balts.

Qaıyrymdylyq sharasy Qazaqstan Respýblıkasyna COVID-19 indetimen kúresýge ıgi yqpalyn tıgizeri sózsiz. Memlekettiń pandemııaǵa qarsy kúresine kómektesý úshin «Shevron» kompanııasy Densaýlyq saqtaý mınıstrligimen birlese otyryp, Qazaqstanǵa asa qajetti dári-dármekter tizimin qurdy. Dári-dármekti jetkizýmen qatar bul baǵdarlama medısınalyq jabdyqty satyp alý men jetkizýdi qarastyrady. Budan bólek, indetke shaldyqqandardy emdeý kýrsyna oqytý máselesin de qamtıdy. Aıta keteıik, «Shevron» korporasııasy - álemdegi jetekshi biriktirilgen energetıkalyq kompanııalardyń biri. Búkil álemde bıznesin júrgizetin enshiles kompanııalary arqyly kompanııa energetıka salasynyń barlyq túrlerine qatysady. «Shevron» shıki munaı men tabıǵı gazdy zertteıdi, óndiredi jáne tasymaldaıdy, kólik otyny men janarmaıdy tazartady, naryqqa shyǵarady jáne taratady; munaı-hımııalyq zattar men qospalardy óndiredi; qýat óndiredi jáne kompanııa operasııalarynyń barlyq salalaryndaǵy bıznes qundylyqtaryn arttyratyn tehnologııalardy ázirleıdi jáne qoldanady. «Shevron» kompanııasynyń bas keńsesi San Ramon qalasynda (AQSh, Kalıfornııa shtaty) ornalasqan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir