09 Qazan, 2020 Barlyq aımaqtar

Qyrǵyzstan prezıdenti úkimetti otstavkaǵa jiberdi

Foto: Ak Jaıyk

Qyrǵyzstan prezıdenti Sooronbaı Jeenbekov premer-mınıstr men úkimetti otstavkaǵa jiberý týraly jarlyqqa qol qoıdy, dep habarlady Sputnik Kyrgyzstan aqparat agenttigi.

Qyrǵyzstan konstıtýsııanyń 65 jáne 87-baptaryna, sondaı-aq "KR úkimeti týraly" konstıtýsııalyq zańǵa sáıkes premer-mınıstr Kýbatbek Boronov pen onyń komandasy otstavkaǵa ketti.

Úkimettiń jańa quramy qalyptasqanǵa deıin premer-mınıstr, birinshi vıse-premer, vıse-premer jáne mınıstrler kabınetiniń músheleri qyzmetterin oryndaýdy jalǵastyrady.

Prezıdent jarlyǵy qol qoıylǵan sátten bastap kúshine enedi.

6 qazanda Qyrǵyzstan premer-mınıstri Kýbatbek Boronov otstavka ótinish bergen. Bul týraly Jogorký Keneshtiń kezekten tys otyrysynda belgili boldy, onda depýtattardyń bir bóligi Boronov otstavkaǵa ketkennen keıin Japarovtyń kandıdatýrasyn premer-mınıstr laýazymyna maquldaý týraly sheshim qabyldaǵan. Endi úkimet músheleri zańǵa sáıkes otstavkaǵa ketti dep sanalady.

Eske sala keteıik, Bishkektegi parlamenttik saılaýdan keıingi narazylyq aksııasy halyqtyń tolqýyna ulasyp, nátıjesinde narazy top "Aq úıdi" basyp alǵan edi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir