Áleýmettik jelide keıbir belsendiler "Asyl Arna" telearnasynyń dırektory Muhamedjan Tazabektiń "Tálim trend" habarynyń Ulttyq arnadan kórsetilýine qarsylyq bildirgen. Muhamedjan Tazabek birneshe adamnyń sózine bola baǵdarlama jabylmaıtynyn jetkizdi.

"Meniń osy júrgizip otyrǵan paraqshamnan, aıtyp júrgen “TÁLIM TRENDTEN” kimge ne zııan bar? Keıbir qarakózderimiz dabyl qaǵyp, “Muhamedjan sóılemesin, TÁLIM TREND toqtatylsyn” dep daýryǵatyndaı kim ne búldirdi?". Jazbasyn osylaı bastaǵan Tazabek bul habarda dinı ýaǵyz ben nasıhat emes, tájirıbesimen bólisip, tálim-tárbıe  men izgilik týraly aıtyp júrgenin jetkizdi. 

Sondaı-aq avtor otbasymen birge kórýge bolatyn  taǵylymdy habardan kimniń qandaı qasiret kórip turǵanyn túsinbeıtindigin aıtyp, aǵynan jaryldy. 

–  “Oıbaı, ýahabı eken, arabtan aqsha alady eken, bılikke jaǵympaz bolǵasyn joly ashyq eken” degen jala men dolbardy estip kele jatqanyma jıyrma jyl boldy. Kúdiktiler ustalyp, kináliler sottalyp, qanshama oqıǵa tarıhqa sińip ketti. Bolatyn jaqqa júrip, ońatyn tirlikpen aınalysýdyń orynyna áli kúnge bir-birimizdi ańdyp, berekemizdi qashyryp, bet-betimizben shashylyp júrmiz, – dedi avtory sózin jalǵastyryp.

Sóz sońynda, M.Tazabek jaý izdegenshe, baq izdeý kerektigin aıtyp, ashýǵa berilmeı, birlikke shaqyrdy. Oǵan qosa bes-alty qazaq qarsy bolǵannan “Tálim trend" toqtap qalmaıtynyn da basa aıtty. 

 
Posmotret etý pýblıkasııý v Instagram
 
 

Qurmetti oqyrmandar! Sizder qalaı oılaısyzdar? Meniń osy júrgizip otyrǵan paraqshamnan, aıtyp júrgen “TÁLIM TRENDTEN” kimge ne zııan bar? Keıbir qarakózderimiz dabyl qaǵyp, “Muhamedjan sóılemesin, TÁLIM TREND toqtatylsyn” dep daýryǵatyndaı kim ne búldirdi? “Jaqsyda jattyq joq, jaqsy sóz jan semirtedi, sóz túzeldi, tyńdaýshy sen de túzel” dep, izgilikti qalaǵan irilerdiń urpaǵy emes pe edik?! Aınalamyzdan aqsaqal tappaı, qarttardyń ishinen qarııa shyqpaı qapa bop júrgen zamanda, “TÁLIM TRENDTIŃ” aldyn tosyp, jolyn kesetindeı QAZAQTYŃ kóńili neden taryldy? Otbasyńmen otyryp kıno kóre almaı, ul-qyzyńa oılaǵanyńdy bere almaı, ınstagramnan ıýtýbqa, ıýtýbtan tık-tokqa túsken zamanda, taǵylym izdegen qazaqtyń “TÁLIM TREND” tyńdaǵanynan qandaı qasiret kórip turmyz?! Aq nıetimdi aldaryńyzǵa aqtaryp salyp, ýaıymyńyz bolsa jeńildetýge, qýanyshyńyz bolsa kóbeıtýge úles qossam dep talpyndym. Qamyqqan qaryndastyń, kóńilsiz kelinniń, jabyqqan jeńgeıdiń janyna jylý syılasam dep jelige júgindim...? Men tájirıbemmen bólisip, tálimimdi aıttym, sizder júrek jibitip, jaqyndaryńyzǵa jiberdińizder... ?‍? Sizder aq tilek aıtyp, jiger berdińizder, men rıza bolǵannan qanattanyp, qal-qadirimshe qyzmet etýge qýat jumsadym...✍️ Eldiń tilegi esiktegini tórge, yldıdaǵyny órge shyǵarady. Sizderdiń batalaryńyzdy alyp, rızashylyqtaryńyzǵa bólengen “TÁLIM TREND” jobamyz Ulttyq arnanyń nazaryna túsip, jańa deńgeıde, baıtaq jurtqa usynylmaq eken ?? Onda turǵan ne bar? Dinı ýaǵyz, sharıǵı nasıhat aıtqaly jatqanymyz joq. Zaıyrly qoǵamǵa, dástúrli qundylyqtardy pash etsek, álemge keńinen tanymal konservatorlyq kózqaras pen lıberaldyq ustanymdardyń yqpalyn talqylap, qyzyq derekterdi keltirsek, kimge ne zııan?! Ultqa kerekti, urpaqqa paıdaly, qoǵamǵa mańyzdy máselelerdi kótersek, tálimdi tusyn tarqatyp, paıdaly jaǵyn paıymdasaq odan kim utylmaq? “О́nbeıtin daýdy óspeıtin el ǵana qýalaıdy”, deıdi qazaq. “Oıbaı, ýahabı eken, arabtan aqsha alady eken, bılikke jaǵympaz bolǵasyn joly ashyq eken” degen jala men dolbardy estip kele jatqanyma jıyrma jyl boldy. Kúdiktiler ustalyp, kináliler sottalyp, qanshama oqıǵa tarıhqa sińip ketti. Jalǵasy komentte ??

Pýblıkasııa ot Muhamedjan Tazabek (@mukhamedzhan_tazabek)

 
Ilmek sózder: Muhamedjan Tazabek

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir