Fotokollaj
8 qazanda Qazaqstannyń ulttyq qaýipsizdik komıtetiniń tóraǵasy Kárim Másimov Qyrǵyz respýblıkasynyń memlekettik ulttyq qaýipsizdik komıteti tóraǵasynyń mindetin atqarýshy О́mirbek Sývanalıevpen telefon arqyly sóılesti. Bul týraly ulttyq qaýipsizdik komıtetiniń saıty habarlady.
Vedomstvo málimetinshe, ekeýara áńgimede Qyrǵyzstanda bolyp jatqan jaǵdaı talqylanǵan.
"Qyrǵyzstanda qalyptasqan jaǵdaı talqylandy. Jaǵdaıdyń tez qalpyna keletinine senim bildirildi. Osyǵan deıingi kelisimderge qaraı eki vedomstvonyń yntymaqtastyǵyn jalǵastyrýdyń mańyzy aıtyldy" delingen habarlamada.
Eske salsaq, 4 qazan kúni Qyrǵyzstanda joǵarǵy keńeske depýtattar saılaýy ótti. 5 qazan kúni saılaý nátıjesine narazy top ortalyq alańda mıtıng uıymdastyryp, onyń sońy jappaı qaqtyǵysqa ulasty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir