Tutqyndaǵy azamattarǵa 200-den asa qazaqsha kitap tartý etildi

Almaty qalasyndaǵy LA-155/18 túzeý mekemesinde oqshaýlanǵan 1000-nan astam tutqyn arasynda kitap oqýǵa qumar adamdar jetkilikti. Olardyń ishinde tipti eki aıda 15 kitap oqyp taýysatyndar bar.

Mekemedegi kitaphanada jınaqtalǵan 5000 danadan astam kitap qorynyń ishinde əlem klassıkteriniń shyǵarmalary da mol. Sońǵy kezde tutqyndar arasynda qazaq ədebıetiniń klassıkteri men qazirgi aqyn-jazýshylarynyń shyǵarmalaryna degen suranys ta artty. Osyǵan oraı LA-155/18  mekemesiniń basshylyǵy Almatydaǵy Qazaqstan Respýblıkasy Ulttyq kitaphanasynyń basshylyǵyna arnaıy hat jazyp, tergeý ızolıatoryndaǵy kitaphana qoryn qazaq tilindegi kitaptarmen tolyqtyrýdy suraǵan bolatyn.

Jaqynda atalǵan kitaphananyń basshylyǵy tergeýde jatqan tutqynǵa 200-ge jýyq qazaqsha kitapty syıǵa tartty. Sondaı-aq mundaı ıgi iske 1Revansh1 qoǵamdyq qory da atsalysyp, óz tarapynan aqyn-jazýshylardyń 300 kitabyn mekemege tartý etti.

"Ərtúrli qylmysqa boı aldyryp, tergeý abaqtysynda jatqandarǵa janashyrlyq tanytqan Qazaqstan Respýblıkasy Ulttyq kitaphanasynyń basshylyǵy men "Revansh" qoǵamdyq qoryna alǵys bildire otyryp, bilim bulaǵy sanalatyn kitaptardyń jazaly jandardyń túzý jolǵa túsýine kómektesetinine senimdimiz", – deıdi LA-155/18 túzeý mekemesiniń bastyǵy Aset Jumadıev.

Almaty qalasy boıynsha QAJ departamenti