Fotokollaj
Qazaqstandyq tanymal satıra akteri Tursynbek Qabatov, kóligimen adam qaǵyp ketken júrgizýshiniń isine qatysty instagram-da pikir bildirdi.
Qabatov oqıǵa osydan bir jyl buryn bolǵanyn aıtty.
– Assalaýmaǵaleıkúm qazaq eli! Búgin jelide "Tursynbektiń kóligimen adam qaqty" dep aqparat tarap jatyr. Árkim ártúrli aıtyp jatyr, sol sebepti men ózim túsindirsem dep sheshtim. Úndemeı otyra almadym. Men bul istiń basynda bolǵan joqpyn. Bul osydan bir jyl buryn, 2019 jyldyń qazan aıynda bolǵan oqıǵa. Meniń kómekshim, júrgizýshim emes. Men negizi rólde ózim otyramyn. Kómekshim keshke kelip, menen kómek surady. "Jumystarymmen bir jerge baryp keleıin dep edim" dep. Onyń arty osylaı aıaqtalatynyn, shyny kerek, bilgen joqpyn, – deıdi ázilkesh.
Akterdiń aıtýynsha, kómekshisinde buryn júrgizýshi kýáligi bolǵan, ol ony ózi kórgen.
– Ol da maǵan aıtqan joq. О́ziniń de kóligi bar bolǵan. Sol ýaqytta synyp qalsa kerek. Artynan oqıǵanyń bolǵanyn estidim. Tóbeme jaı túskendeı boldy. Ońaı bolǵan joq. Surastyra kele marqum ózi kináli eken, kishkene ishkeni bar eken, jolǵa júgirip shyqqan dep jatyr. Men marqumnyń artynan jaman nárse aıtqaly turǵan joqpyn. "Men ol jigitke "qolyńmen istegenińdi moınyńmen kóter, men aralaspaımyn" dep aıttym. Bireýler "Tursynbek aqsha berdi" dedi. Men eshkimge xabarlasqan emespin. Bul iske aralasqan joqpyn. Maǵan qoıǵan suraqtarǵa jaýap berdim. Men onyń kýáligi joǵyn bilmeımin. Sondyqtan aıtarym: qazir ártúrli aqparat tarap jatyr, ıá, men onyń basynda bolmasam da kólik seniki ǵoı dep kiná taǵyp jatqandar bolsa men keshirim suraımyn. Biraq men ol kóliktiń ishinde bolǵan emespin. Sizderge aıtarym osy, – dedi ártis.
Tursynbek Qabatov instagram jelisinen atalǵan vıdeony óshirip tastaǵandyqtan, beınejazba Kaskelen.kz paraqshasynan alyndy.
Buǵan deıin Tursynbek Qabatovtyń kóligimen kisi qaǵyp óltirgen júrgizýshisiniń áli jazalanbaǵany jaıly habarlanǵan.
Posmotret etý pýblıkasııý v Instagram
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir