Foto: qamshy.kz
Qazaqstan prezıdenti Qasym-Jomart Toqaev Reseı prezıdenti Vladımır Pýtınmen telefon arqyly sóılesti, dep habarlady Aqorda.
Memleket basshysy Reseı prezıdentin týǵan kúnimen quttyqtady. Qasym-Jomart Toqaev Reseı Federasııasy Vladımır Pýtınniń basshylyǵymen áleýmettik-ekonomıkalyq damý boıynsha aıtarlyqtaı tabysqa jetkenin, bedeldi memleket mártebesine ıe bolǵanyn, sondaı-aq, álemdik jáne óńirlik máselelerdi Reseısiz sheshý múmkin emestigin atap ótti.
Qasym-Jomart Toqaev Qazaqstan men Reseı arasyndaǵy yntymaqtastyqty nyǵaıtýǵa jáne ózara túsinistikti kúsheıtýge zor úles qosqany úshin reseılik áriptesine rızashylyǵyn bildirdi.
Áńgimelesý barysynda eki memlekettiń koronavırýs pandemııasymen kúrestegi is-qımyldaryn úılestirýdiń mańyzdy ekeni sóz boldy.
Taraptar Taýly Qarabaq tóńiregindegi áskerı qaqtyǵystarǵa qatysty ahýaldy talqylady. Sonymen qatar Qyrǵyzstandaǵy oqıǵa jóninde pikir almasty. Memleketter basshylary baýyrlas elderdegi qoǵamdyq-saıası jaǵdaıdyń tezirek turaqtanatynyna úmittenetinin aıtty.
Áńgimelesý sońynda Qasym-Jomart Toqaev Vladımır Pýtınge zor densaýlyq jáne Reseıdiń ıgiligi jolyndaǵy qyzmetine jańa tabys tiledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir