Qyrǵyzstan prezıdenti Sooronbaı Jeenbekov eldegi bolyp jatqan qaqtyǵysqa qatysty úndeý jasady

– Qyrǵyzstan eń qıyn kezeńdi bastan ótkerip jatyr. Eshqandaı bılik nemese laýazym adam ómirinen joǵary bola almaıdy. О́zderińiz biletindeı, adam ómirine qaýip tóndirmeı, "Aq úı" ǵımaratyna basyp kirgenderge kúsh qoldaný týraly buıryq bergen joqpyn. Sol kúnderi narazylyq bildirýshilerdi kúshpen basý týraly usynystar da boldy. Men budan úzildi-kesildi bas tarttym. Bul qaqtyǵysqa ákep soǵady. Sondyqtan tótenshe jaǵdaı engizý týraly jarlyqqa qol qoımadym.

О́ńirlerde meni qoldap, mıtıngilerde de sóz sóılegisi keletin kóptegen otandastar boldy. Men olardan bulaı jasamaýyn ótindim. Qyzmetke ornalasqysy kelgender dittegen maqsatyna jetti.

Endi biz kóshede aksııany jalǵastyryp jatqandardy toqtatýymyz kerek. Men uıymdastyrýshylardy jáne saıası kóshbasshylardy zańǵa baǵynýǵa shaqyramyn! Osyndaı qıyn sátte azamattyq ustanymyn kórsetken jastarǵa zor rızashylyǵymdy bildiremin.

Biz bul jaǵdaıdan birge shyǵatynymyzǵa senimdimin. Qurmetti otandastar, búginde eń ózekti mindet – Qyrǵyzstanda beıbitshilik pen qoǵamdyq tártipti qamtamasyz etý! Biz birlesip bul jaǵdaıdan shyǵamyz dep senemin! Bárimiz úshin eldiń múddesi mańyzdy, – dedi prezıdent Sooronbaı Jeenbekov. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir