Qaýipsizdik keńesiniń tóraǵasy Nursultan Nazarbaev Túrkistan oblysyna jasaǵan saparynda ashylýyna qatysqan Túrkistandaǵy halyqaralyq áýejaı shyn máninde áli tolyq paıdalanýǵa berilmegeni belgili boldy. Bul týraly kaztag.kz saıty habarlady.

Nursultan Nazarbaev Túrkistan oblysynda 28 qyrkúıekte bolǵan. Elbasy.kz saıty Nazarbaevtyń sapar barysynda Túrkistan qalasynyń halyqaralyq áýejaıynyń ashylý saltanatyna qatysqanyn jazdy.

"Halyqaralyq áýejaıdyń qurylysy memlekettik-jekemenshik seriktestik aıasynda júzege asyryldy. Qaladan 20 shaqyrym jerde ornalasqan áýejaı halyqaralyq standarttarǵa saı zamanaýı tehnologııalardy qoldana otyryp salynǵan. Onyń qurylysyna 102 birlik arnaıy tehnıka men 300-den astam qurylysshy jumyldyryldy. Jalpy aýdany 905 gektar bolatyn halyqaralyq áýejaıdyń qyzmet kórsetý áleýeti jylyna shamamen úsh mıllıon jolaýshyny quraıdy" delingen Elbasy.kz saıtynda jarııalanǵan aqparattyq habarlamady.

Alaıda birneshe áýekompanııada qyzmet etken Iýlııa Nechaeva Túrkistandaǵy halyqaralyq áýejaıdyń qurylysy áli bitpegenin málim etti.

Iýlııa Nechaeva áýejaıdyń ashylǵanyn estip, baryp kórmek bolǵan. "Túrkistannyń halyqaralyq áýejaıy" komandasy boıynsha navıgator olardy oıqy-shoıqy jolmen birneshe jyldan beri istemeı turǵan eski áýejaıǵa ákelgen.

Artynsha, "jańa áýejaıǵa aparatyn jol" delingen jańa trassaǵa túskenin aıtqan Iýlııa Nechaeva dittegen orynǵa jetkende paıdalanýǵa berilgen áýejaıǵa emes, qurylys alańyna tap bolǵan.

Onyń aıtýynsha, ǵımarattyń syrtqy jaǵy ǵana daıyn. Áýejaıda qurylys qyzý júrip jatyr.

"Alaıda merziminde paıdalanýǵa berilgen, ıá. Reıster ashylǵanǵa deıin bitirip qalatyn shyǵar" dep jazdy Nachaeva.

Sonda Túrkistan oblysynyń ákimi О́mirzaq Shókeev Nursultan Nazarbaevqa qaı áýejaıdy kórsetip júr? Olar birlesip qaı áýejaıdy ashqan? Túsiniksiz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir