06 Qazan, 2020 Áleýmet
Foto: polisia.kz
Almatydaǵy Kók bazardyń mańynda áıeldi tonaǵan eki er adam ustaldy. Bul týraly Polisia.kz habarlady.
1976 jáne 1986 jylǵy eki azamat aldyn ala jospar quryp, bazar mańyna tonaý jasaý úshin kelgen. Olar Maqataev pen Zenkov kósheleriniń qıylysynda ádeıilep altyn taqqan áıelderdi izdep, baqylap turǵan. Belgili bolǵandaı, ekeýi de buryn sottalǵan.
Medeý aýdandyq polısııa bóliminiń bastyǵy Dáýren О́tebaevtyń aıtýynsha, eki qylmysqar áıeldiń artynan júgirip kelip, altyn alqasyn julyp alǵan da sol jerden boı tasalaǵan.
– Bizdiń bólimniń qyzmetkerleri olardy ustady. Osy qylmysty jasaǵandardyń biri Túrksib aımaǵynda osyǵan uqsas qylmystary úshin sottalǵan. Belgili bolǵandaı, ol esirtki paıdalanady. Jańa dozany satyp alý úshin, ol taǵy da áıelderdi tonaı bastady, – dedi Dáýren О́tebaev.
Jedel izdestirý sharalary barysynda kúdiktiler ustalyp, Almaty qalasy polısııa departamentiniń ýaqytsha ustaý ızolıatoryna qamaldy. Qazir sotqa deıingi tergeý júrgizilip jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir