Qyrǵyzstan astanasy Bishkek qalasynda túnde mıtıngshiler toby túrmede otyrǵan birneshe saıasatkerdi bosatty, dep habarlady Sputnik Kyrgyzstan.

Tómende bosap shyqqandardyń tizimi men qylmystyq isteri kórsetilgen.

1. Almazbek Atambaev

Qyrǵyzstannyń "Aq úıin" basyp alǵannan keıin, narazylyq bildirýshilerdiń bir bóligi burynǵy prezıdent Almazbek Atambaevty bosatý úshin ulttyq qaýipsizdik memlekettik komıtetiniń ǵımaratyna bet aldy.

Eks-prezıdent UQK tergeý ızolıatorynda bolǵan edi. Ol qylmys áleminiń serkesi Azız Batýkaevty bosatandyqqa shyǵarý isi boıynsha 11 jyl eki aıǵa bas bostandyǵynan aıyrylǵan. Sondaı-aq Atambaev pen onyń jaqtastaryna Koı-Tashtaǵy oqıǵalar týraly is qozǵaǵan. Qylmystyq isterdiń egjeı-tegjeıleri belgisiz, óıtkeni sot prosesteri jabyq rejımde ótken.

О́tken jyldyń jazynda Atambaevty qylmystyq jaýapkershilikke tartý úshin eks-prezıdent mártebesinen jáne qol suǵylmaýshylyǵynan aıyrǵan bolatyn. Burynǵy memleket basshysy ózine jasalǵan áreketterdiń zańsyz ekenin málimdegen. Saıasatker bir is boıynsha tergeýge barmaǵandyqtan, onyń Qoı-Tashtaǵy úıine shabýyl jasalǵan edi.

2. Sadyr Japarov

2017 jyly aýdandyq sot jogarký keneshtiń burynǵy depýtaty tutqyndy kepilge alǵany úshin Sadyr Japarovty 11 jyl 6 aıǵa bas bostandyǵynan aıyrǵan. Sot 2013 jyly Japarov uıymdastyrǵan Qarakóldegi mıtıng qatysýshylary Ystyqkól oblysyndaǵy sol kezdegi úkimettiń ókiletti ókili Emılbek Kaptagaevty kólikke kúshtep mingizgeni málimdelgen.

Keshe Japarov jaqtastary saıasatkerdi túzeý kolonııasynan bosatýdy talap etti. Bir sátte uıymdastyrýshylar jınalǵan topty basqara almaı qalǵan. "Aq úıge" qaraı bet alǵan adamdardy polısııa qýmaqshy bolǵan. Nátıjesinde birneshe adam zardap shegip, júzge jýyq adam ustaldy.

 3. Sapar Isaqov

Sapar Isaqov 2017-2018 jyldary úkimet basshysy qyzmetin atqardy. Ol Bishkek JEO-ny jańǵyrtý kezinde sybaılas jemqorlyq týraly is boıynsha 15 jylǵa bas bostandyǵynan aıyrylǵan edi. Sondaı-aq saıasatkerdi Cholpon-Atadaǵy memlekettik tarıhı murajaı men ıppodromdy qaıta qurý kezinde sybaılas jemqorlyq isi boıynsha 18 jylǵa bas bostandyǵynan aıyrdy. Qyrkúıek aıynda ol Moldovankadaǵy túzeý kolonııasyna aýystyrylǵan.

4. Ravshan Jeenbekov

Koı-Tashtaǵy oqıǵalar kezinde jogarký keneshtiń eks-depýtaty Ravshan Jeenbekov burynǵy prezıdent Almazbek Atambaevtyń jaǵynda sóz sóıledi. 2019 jyldyń jeltoqsanynda ol IIM-den jaýap alǵannan keıin ustaldy. Jeenbekovke qylmystyq kodeksiniń 244 "tutqyndy kepilge alý" jáne 264 "jappaı tártipsizdikterdi uıymdastyrý" baptary boıynsha aıyp taǵyldy. 

5. Jantóre Satybaldıev

Narazy top burynǵy premer-mınıstr Jantóro Satybaldıevti № 47 túzeý mekemesinen shyǵaryp aldy. Ol 2012 jyldan 2014 jylǵa deıin mınıstrler kabınetin basqarǵan.

Premer bolǵannan keıin Jantóro Satybaldıev memlekettik laýazymdardy atqarmady, al 2018 jyly Bishkektegi JEO-ny jańǵyrtý kezinde sybaılas jemqorlyq týraly iske fıgýrant bolǵan. Onyń dúnıe múlki tárkilenip, 7,5 jylǵa bas bostandyǵynan aıyryldy.

Esterińizge sala keteıik, Ala-Too alańynda keshe oppozısııalyq kúshterdiń narazylyq aksııasy ótti. Parlament saılaýynyń aldyn ala qorytyndysyna narazylyq bildirgen 3-4 myń adam alańǵa jınaldy. "Aq úıdiń" qaqpasyna shabýyl jasaǵannan keıin polısııa men narazy toptyń arasynda qaqtyǵystar bastaldy. Túnde mıtıngshiler "Aq úıdi" basyp aldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir