Qyrǵyzstandaǵy Osh qalalyq keńesiniń spıkeri, "Mekenim Qyrǵyzstan" saıası partııasynan Joǵarǵy Keńes depýtattyǵyna kandıdat Japar Ormonovty ortalyq alańǵa jınalǵan top soqqynyń astyna aldy. Bul týraly turmush.kg habarlady. 

Qatysýshylardyń bir bóligi J.Ormonovty birden bas salyp, uryp-soǵyp jatty. Al ony qoldaýshylar agressıvti kópshiliktiń arasynan shyǵaryp alýǵa tyrysty. Narazy top artynan tas laqtyryp, qýdalaı bastady.  

Mıtıngke qatysýshylar qala ákimi qyzmetine Melıs Myrzakmatovty taǵaıyndaý týraly usynystaryn aıtyp jatyr. Azamattardyń aıtýynsha, ol qazir Qazaqstanda.

Qyrǵyzstannyń qoǵam qaıratkeri Tólógón Keldibaevtyń aıtýynsha, bolyp jatqan jaǵdaıǵa qazirgi úkimettiń ózi kináli. Ol eldegi jaǵdaıdy 180 gradýsqa buryp jiberetin jáne odan ári damý jolyna túse alatyn jastardy basshylyqqa shaqyrý kerektigin aıtty.

 

Ilmek sózder: Qyrǵyzstan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir