Pandemııa kezinde belsendilik tanytqan analar marapattaldy

Ultymyzdyń ótken tarıhyna kóz jibersek, onyń talaı qıyn kezeńdi bastan keshirgenin anyq baıqaımyz. Mine, osyndaı taǵdyrdyń talqysyna túsken dáýirde halqymyz óziniń sabyrlylyǵy, parasattylyǵy, qajyr-qaıraty, óreli ómirsheńdigi, kúshti erik-jigerimen búgingi kúnge aman-esen jetip, álem elderiniń aldyńǵy shoǵyrynan kórinýde.

Osyndaı úlken jetistikke jetýimizde qazynaly qarttardyń orny men róli de erekshe. Olar sonaý myńjyldyqtar bederinde elge tutqa bolǵan, bılikke aralasyp, talaı keleli máselede kesim aıtqan, sheshim shyǵarǵan danalardyń jalǵasy ispetti. Búginde sol dilmarlar dańǵylymen júrip, qoǵamdyq jumystarǵa belsene aralasqandardyń deni Ardagerler uıymynyń músheleri.

Sol qatarda Taldyqorǵan qalalyq ardagerler uıymynyń janynan qurylǵan «Murager» aımaqtyq ardagerler keńesiniń atqarǵan sharýasy kóp. Ásirese, olar qala mekteptepterindegi balalardyń ata-baba dástúrin ustanyp, keleshekte kemel oıly azamat bolyp shyǵýy jolynda barynsha eńbek etip keledi. Bıylǵy pandemııa jaǵdaıynda da jumysyn onlaın formatqa kóshirip, dástúrli tárbıe baǵytynan jańylǵan joq.

Aıta keterligi, «Murager» aımaqtyq ardagerler keńesiniń tóraıymy Farýza Baıysova óziniń uzaq jyldyq tájirıbesi men bar bilgenin jastarǵa úıretýden jalyqpaıtyn jan. О́tkende atalǵan uıym qalamyzdaǵy belsendi ardager analardyń basyn qosyp, bıylǵy atqarǵan jumysynyń esebin shyǵardy.

Onda urpaq bolashaǵy úshin isteletin jumystardyń reti sóz bolyp, bıylǵy qıyn jaǵdaıda óz baǵdarlamalaryn sátti oryndaý joldaryn tanystyrdy. Bir jaǵynan otbasy tárbıesine erekshe den qoıyp, bos ýaqyty bolǵanda uıym jumysyna atsalysyp, kóregendik tanytqan analarǵa Alǵys hat tapsyrylyp, syı-sııapat kórsetildi. Al sharaǵa qatysqan oblystyq jáne qalalyq ardagerler uıymynyń ókilderi Farýza Baıysovanyń eńbegin elegen uıym tóraǵalary atynan alǵys aıtyp, marapat tabystady.

«Arazdasyp aǵaıyn keter edi, Bir qarııa bolmasa bir aýylda», – dep Muqaǵalı aqyn jyrlaǵandaı, qashanda alysty jaqyndatyp, jaqynnyń berekesin nyǵaıtqan ardegerlerdiń ıgilikti isine biz de tánti boldyq.